女生們要知道！關於乳頭的5件事

乳頭除咗可以帶嚟性刺激、哺乳(女性)，佢嘅狀態都反應到一個人嘅身體狀況！

身體係自己嘅，幾懶嘅女生都要睇住個body啊！

假如一邊乳頭或乳頭附近嘅皮膚忽然起縐或變得凹陷，可能係乳癌嘅警號。但有啲人天生乳頭係凹嘅，咁就唔使咁緊張，有疑問嘅話，做乳房/婦科檢查時可以向醫生問清楚。

乳頭有分泌係正常嘅，即使唔係懷孕或哺乳中，但係如果分泌帶啡帶血/出現喺一邊乳頭，就要立即求醫，check清楚係咪有咩病變。

有啲人係先天長有第三個乳頭嘅，醫學上稱為「副乳組織」（supernumerary breast tissue, BST），通常都長喺腰部以上位置，亦未必生好好完整，有時會被誤會係痣嚟。

做運動時係有機會擦損乳頭㗎！最好戴個啱身嘅運動bra或使用乳頭貼作保護措施。但如果無做咩運動/激烈嘅性活動，乳頭無端端變紅、痕、脫皮，都係去睇下醫生好啲。

乳頭長毛...係難搞啲，但因為乳頭周圍位置有啲毛囊喺度，所以會長毛都唔係出奇嘅，唯有係小心剪或拔走佢。但如果毛髮有倒生情況，就要睇醫生，避免發生發炎情況。