摧熟牛油果即現黑肉？果檔店主公開香港牛油果兩大貨源及質素參差之迷
牛油果營養價值高，蘊含豐富維他命E及不飽和脂肪，當中的纖維更有助有增加飽肚感及有改善腸道健康，所以被視為Super Food之一！現時很多注重健康的女士都會把牛油果加入日常飲食中，但市面上牛油果供應參差，常有「黑肉黑絲」問題，而且價錢也相差很大，早前就有果檔店主分享箇中原因！
牛油果分「船頭」及「飛機」兩種
水果檔店主林先生在網上表示常見到有人講買牛油果有問題，例如黑肉黑邊食唔食得？忍不住要分享一下！林先生說：「其實香港市面買到嘅牛油果一般有兩種，行內人叫「船頭」及「飛機」，船頭就係坐船，急凍過嘅牛油果。因為牛油果主要產地為中南美洲、墨西哥、智利、厄瓜多爾或美國，運輸成本好高，所以一般都只會用船運。」
「船頭牛油果」保質期只有2至3日
林先生又表示船運就要經過急凍，急凍過的水果一般都係「雪死咗」，即死肉水果，無咗生命力，所以所謂「等佢熟」其實只係等緊佢腐爛，這就是切開牛油果會黑肉黑絲的原因，一般保存期只有2至3日，雪水一過就開始腐爛。
「飛機牛油果」保質期約有一星期
林先生指「飛機牛油果」即經空運，空運的牛油果都經過雪藏保存，但一般都不會雪壞，屬還有生命力的活水果；而這種「飛機牛油果」如質素高，保質期約有一星期，真正可以「等佢慢慢變熟」才吃，即使熟至整個牛油果變黑，切出來都不會有黑肉黑絲的問題。
