牛油果現黑肉有原因！果檔店主公開牛油果價錢差異之迷

牛油果營養價值高，蘊含豐富維他命E及不飽和脂肪，當中的纖維更有助有增加飽肚感及有改善腸道健康，所以被視為Super Food之一！現時很多注重健康的女士都會把牛油果加入日常飲食中，但市面上牛油果供應參差，常有「黑肉黑絲」問題，而且價錢也相差很大，早前就有果檔店主分享箇中原因！

牛油果分「船頭」及「飛機」兩種  

水果檔店主林先生在網上表示常見到有人講買牛油果有問題，例如黑肉黑邊食唔食得？忍不住要分享一下！林先生說：「其實香港市面買到嘅牛油果一般有兩種，行內人叫「船頭」及「飛機」，船頭就係坐船，急凍過嘅牛油果。因為牛油果主要產地為中南美洲、墨西哥、智利、厄瓜多爾或美國，運輸成本好高，所以一般都只會用船運。」

「船頭牛油果」保質期只有2至3日

林先生又表示船運就要經過急凍，急凍過的水果一般都係「雪死咗」，即死肉水果，無咗生命力，所以所謂「等佢熟」其實只係等緊佢腐爛，這就是切開牛油果會黑肉黑絲的原因，一般保存期只有2至3日，雪水一過就開始腐爛。

「飛機牛油果」保質期約有一星期 

林先生指「飛機牛油果」即經空運，空運的牛油果都經過雪藏保存，但一般都不會雪壞，屬還有生命力的活水果；而這種「飛機牛油果」如質素高，保質期約有一星期，真正可以「等佢慢慢變熟」才吃，即使熟至整個牛油果變黑，切出來都不會有黑肉黑絲的問題。

「飛機牛油果」成本每隻$10起  

市面的牛油果價錢相差很大，由HK$20四隻至HK$20一隻都有，林先生表示：「香港一般長期供應飛機牛油果的批發商其實只係得幾間，所以市面嘅牛油果9成以上都係船頭牛油果，飛機牛油果成本每隻一定$10以上。」日後大家選購牛油果時，可以再作比較了。

Source：Pok Tang Lam Facebook  

更多牛油果小知識！

如何知道牛油果可以吃了？

把牛油果頂部的莖拔掉，如果輕易掉下，而且頂部內是青黃色，表示生熟度剛好，適合食用；如果啡色即代表過熟；而莖部拔不掉即表示未熟，還不能吃。

如何摧熟牛油果？

可以把牛油果和香蕉或蘋果一同放到密封紙袋裡，置於室溫。水果會自然釋出乙烯 (Ethylene)，加快催熟過程。另外，亦可用錫紙包好牛油果，放在焗爐以90°C烤10分鐘至1小時。

如何切牛油果？

將牛油果開半後，把刀插入牛油果核，卡住後輕輕一扭，即可把核拔出，以匙羹把牛油果肉取出 。