編輯分享:初試面部穴位按摩療程!

by Karen C.

香港文華東方酒店嘅文華水療中心,最近特別邀請到經驗豐富嘅中國傳統醫藥專家Alex Scrimgeour到港,為客人提供面部穴位按摩療程,小編有幸試做,立即同大家分享!

面部穴位按摩, 按摩, Alex Scrimgeour, 香港文華東方酒店, 文華水療中心

中國傳統醫藥專家Alex Scrimgeour曾經向越南Dien Chan大師Trần Dung Thang拜師學藝,而呢種面部穴位按摩療程,以人手及工具作穴位按摩,具修護及美顏功效,為面部帶來提升效果,同時對健康有幫助,可以幫助身心平靜,增加睡眠質素,亦可紓緩肌肉疲勞等問題。

今次係小編第一次接觸面部穴位按摩療程,開始之先,Alex同我做一個短短嘅consultation,睇下有無咩問題或唔舒服,咁佢可以針對性地幫我用相應嘅穴位治療。(感覺似睇中醫,不過就要講英文。:p)

面部穴位按摩, 按摩, Alex Scrimgeour, 香港文華東方酒店, 文華水療中心

之後我就瞓低,一開始Alex先幫我把脈,然後就人手幫我按摩雙手、腳、肩頸,最後就按摩面部,除咗用人手之外,更會用一啲工具去按摩面部,有助刺激新陳代謝。成個過程其實都好舒服,只係按到某啲穴位感覺酸軟及酸痛。

完成療程後,覺得個人relax咗,而且塊面細咗,肩頸肌肉酸痛都紓緩咗,嗰晚仲幾好瞓添!是次面部穴位按摩療程對我嚟講新鮮又有趣,確實係一個不錯嘅體驗!

面部穴位按摩療程 by Alex Scrimgeour
價錢:HK$1,750
日期:由即日起至2015年11月1日
預約電話:2825 4888
地點:香港文華東方酒店24樓

LOAD MORE