親身分享!另一半令我「抓狂」的事

by Text: Kathy Lam, edited by韋寶

抓狂, 兩性相處, 愛情, 男朋友, 女朋友
有無試過俾另一半激到你好嬲?今次CG!就搵嚟2位男生同女生,親身同大家分享下另一伴令人抓狂嘅事!(p.s.講出嚟唔係要控訴啲咩,而係等大家留意下呢啲事會令對方好嬲,咁就可以避免發生令大家唔開心嘅事喇!

1.

抓狂, 兩性相處, 愛情, 男朋友, 女朋友
Alfrid
年齡:30歲
職業:Media
 

喺我朋友面前發脾氣或者黑面,都幾嚴重,一嚟好失禮,二嚟啲朋友會好尷尬,朋友就會誤會佢好難相處就唔好啦,當下嗰刻我冇理由仲同佢嘈,只好谷住道氣。仲有最擔心係如果第時有機會成為終身伴侶,隨時都要繼續同我啲朋友見面,我都唔想大家尷尬同誤會。
2.

抓狂, 兩性相處, 愛情, 男朋友, 女朋友
Eddie
年齡:23歲
職業:IT
 

最抓狂嘅時候就係佢唔覆人電話同Whatapp,隔成日先嚟覆,會擔心架,小事都算啦,打得電話都知緊要,但佢都唔會打返嚟,要人提先記起,唉,冇啲交帶!

3.

抓狂, 兩性相處, 愛情, 男朋友, 女朋友
Amanda
年齡:26歲
職業:Banking
 

對自己冇自信!有時我只係同啲普通異性朋友出街食個飯又或者傾下偈,就驚我出事,好似會俾人食咗咁,大家都一齊咗咁多年,應該相信彼此,同埋佢要俾啲信心自己。每次佢一知我同啲異性朋友出去就變得好婆媽、煩住晒,想發脾氣又唔得喎,谷住谷住,仲要我安慰返佢轉頭。

>>>閱讀更多:親身分享!男朋友最乞人憎嘅MOMENT
4.

抓狂, 兩性相處, 愛情, 男朋友, 女朋友
Meiling
年齡:21歲
職業:Student
 

佢有選擇困難,無論咩時候都揸唔到主意,所以成日都要浪費啲時間等佢去諗,例如揀一對波鞋,對對試完都想要,喺間舖度考慮成半個鐘,但到最後都係揀返原先想買嗰對。唉!雖然我一分鐘冇幾百萬上落,但都好浪費時間。

LOAD MORE