手肘同膝蓋成日黑漆漆，點算好？

手肘同膝蓋都係關節位，因為經常郁動受壓嘅關係，令呢度嘅皮膚皺褶多，角質層亦比較厚同粗糙，更因為無咩皮下脂肪，所以色澤特別暗沉。有啲人可能以為係自己洗得唔乾淨，所以沖涼時會用毛巾或者沖涼刷猛力洗擦，但係過大嘅力度卻反而容易造成肌膚嘅二次損害。

如果遇到以上問題，建議大家可以用溫熱嘅水先濕敷，或者係泡澡，再使用液狀或凝膠狀嘅去角質清潔產品或身體磨砂溫柔地去除死皮，隨後再塗抹果酸類或含維他命A成分嘅護膚品加強美白。如果想手肘和膝蓋可以回復嫩白，可以趁敷完美白面膜，面膜上仍有餘下嘅精華液，就將面膜敷在手肘或關節處。而平日出街塗抹防曬霜嘅時候，記得順便搽埋落手肘同膝蓋呀！