彭秀慧:交友app的愛情,可信嗎?

By COSMO

愛情問題, 兩性關係, 交友app, Tinder, 社交網友, 網戀, 彭秀慧, 網上交友

Dear CG!,

已經過咗一個星期有多,我個心仲未放得低,決定email 問吓意見。我喺上年暑假從交友app "Tinder" 認識了一個男生,佢大我3年,我哋傾咗一個星期就約出嚟。我哋見了兩次面就一齊咗。皆因我係加拿大讀書,我哋之後都要long distance 。

我哋都有分享自己嘅感情經歷,佢話佢有3年無拍拖,係一個放女朋友喺第一位嘅人,跟住佢都有係我面前delete個交友app。咁我自己都有5年無拍拖,但唔會係放男朋友喺第一位。我承認我本身都係對呢段關係抱住一個唔認真嘅態度,但跟住我都好認真對待呢段關係。我有樣嘢幾鐘意佢嘅係佢會講自己心中所想嘅俾我聽。

但直到上兩個星期佢因為要忙考督察嘅試,每日WhatsApp不超過十句,更加無再skype。跟住上星期一佢考了,但failed,我有叫佢加油,安慰佢仲有消防員test,佢睇咗我信息都無回覆我,我忍唔住提出分手。我以為佢會挽留我,但無,仲話都覺得無時間放我身上,唔想對我不公平,話而家唔需要一段關係,跟住又話仲鍾意我,但只能夠當我朋友咁對待,話唔想我傷心,但無mood,會慢慢修補。我天真的信以為真。

早幾日我download返個交友app,見佢竟然有玩返,我係真心hurt 同失望。我感覺被人玩,因為佢之前講到為咗我,會同身邊嘅女性朋友保持距離,又成日問我幾時同我媽咪講我有佢呢個男朋友,幾時同更多朋友講有佢嘅存在。因為佢媽咪同佢身邊一部分朋友都知道佢有女朋友。我而家都有同佢keep住WhatsApp,但真係普通過普通朋友。我有個friend都有勸我唔好再理呢個人,但我真係好難忘記,好想同佢喺返埋一齊!

期待你的回覆。

Thanks,
Tiny Tomato

愛情問題, 兩性關係, 交友app, Tinder, 社交網友, 網戀, 彭秀慧, 網上交友

Hello Tiny Tomato,

其實你期待一個甚麼的回覆呢?整封電郵,你沒有提出問題喔!你不過是單方面放不下這段已經「被放下」的感情,我猜想你的問題應該是:1) 應不應放下? 或者  2) 該如何放下?

讀着你的來信,我覺得有點像「警訊」中的案件重演,看到無知事主遇上街頭騙徒,我忍不住加把嘴:「有無搞錯呀?咁都好信嘅?」

Tomato,你就是那個事主啊!整件事錯就錯在你有太多的「以為」。你「以為」他在你面前delete了那個apps代表他對你認真,結果他之後已經重裝了。你「以為」自己因為要long distance所以不會投入這關係,結果因為他的甜言蜜語你到現在還放不下。你「以為」你走了後他會繼續喜歡你,結果他連你的訊息也不回。你「以為」提出分手他會挽留,結果他說不想浪費你的時間。你「以為」他對你所說的都是真的,其實可能全部都是假的!!你就像是警訊中那個站在五枝旗杆下的師奶,一直在等那個拿了你幾千元的騙子回來帶千年寶藥給你。一天又一天過去了,然後你寫信來問我:「我還應不應等他?」、「我應該如何忘記他?」

種種跡象顯示,無論他是不是存心騙你,關係已經結束。

如果你還算享受和他相處的拍拖日子,無論長短,你情我願,沒有甚麼損失,就當一段散拖吧。要不,你老是想着他的話,那些沒有兌現的謊言,而感覺被人玩,那就是你誤墮騙局了。你還不想忘記,還想和他一起嗎?

交友apps中所認識的人,千奇百怪,對方說自己是甚麼人甚麼背景甚麼感覺都可以,奉勸大家,別太輕易相信對方,小心為上;有時欺騙感情事小,你所能損失的東西可被你想像中多。

彭秀慧

彭秀慧

編劇、舞台創作演員、導演,做劇場,做創作,最想做自己。愛劇場,愛創作,有時卻不愛自己。 

如果你遇到任何愛情上的疑難,都歡迎e-mail到editorial@cosmogirl.com.hk(Subject: Ask CG!),愛情專家團隊會於CosmoGIRL!為你解答!
LOAD MORE