非名牌大學出身=難搵工?

by Siu K.

踏入畢業嘅季節,相信唔少畢業生都忙於搵工。喺呢個競爭性咁大嘅社會上,好多人都會擔心自己搵唔到工,尤其係一啲唔係讀名牌大學嘅畢業生,覺得自己學歷唔夠人好,無公司肯請,甚至連見工嘅機會都無。

其實搵唔搵到心儀嘅工作,係有好多唔同嘅因素影響:

  • 行業/公司──有啲行業或公司未必睇你學歷有幾高,係咪讀名牌大學,反而係睇你見工嘅表現、有無相關經驗等。
  • CV──想間公司俾機會你interview,就要執靚啲自己個CV,將自己嘅工作經驗、參加過嘅活動、獎項等等寫晒落去。如果你喺實習或做兼職時有參與過任何大型嘅project,以及從中學到啲咩,都可以詳細列明,幫份CV加分。
  • 際遇──搵唔搵到好工,有時都好講際遇,所以都唔好一味怨自己學歷唔夠好,可能只係時機未到。
  • 見工表現──記住見工時要準備充足,而且要好好表現自己,將自己嘅熱誠show出嚟。有啲僱主反而會覺得名牌大學生比較高傲自大,所以唔好覺得名牌大學生就一定好過自己,要對自己有信心。(想知更多,可參閱:唔想撞板?見工必讀!

CG! Reminds U

記住,即使你send咗好多份求職信都無回音,或者見咗好多份工都無人請,千祈唔好灰心,反而應該諗下自己係咪心頭太高、見工表現有不足等等,檢討過後再重新出發!

 

LOAD MORE