粉餅碎粉大解構！

粉餅是壓縮乾粉，故粉粒較為密集，遮瑕力較強之餘，更可調整整體膚色，亦由於密度較高，故可達到一定的防曬效果，通常防曬度於SPF20至35之間。

碎粉的粒子比粉餅幼細，主要功用是控油及定妝，強調通透的妝效。

 

碎粉一般有碎粉掃同毛毛粉撲兩種：

碎粉掃掃毛蓬鬆，沾取嘅粉量較少，故妝效會更為薄透；如果選擇毛毛粉撲，沾取嘅粉量則較多，遮蓋力會較強。但要注意的是，沾上碎粉後要輕輕搓揉粉撲，令碎粉均勻地分佈於粉撲上，咁先可以做到均勻透薄嘅效果！

 

粉餅同樣有兩種選擇，分別係海棉粉撲同碎粉掃：

用碎粉掃會有類似碎粉嘅效果，可以起到定妝、控油嘅作用，但當然不及碎粉透薄；若使用海棉撲，沾取嘅分量較多，遮瑕度亦較高。

 

而家有好多粉餅嘅海棉粉撲會設計成兩面：一面係海棉，一面係絲絨。海棉嘅沾粉能力較強，可以提高遮瑕度，相反，絲絨面嘅沾粉量較少，適合用於定妝或補妝。

CG! Recommended:

BY TERRY Hyaluronic Hydra-Powder / $535（10g）
 

蘊含Dermo-Absorbent Silica Spheres及透明質酸，有效中和過盛的油脂分泌之餘，亦可令妝容更貼薄。

Couleur Caramel有機柔滑碎粉／$299
 

蘊含69%活性成分，碎粉中的成分提取自天然植物和礦物，粉末幼細，觸感柔滑。