唔鍾意男友送俾我的禮物,點做好?

by Karen C.

相信好多CG!都試過收到男友送咗啲自己唔太鍾意嘅禮物,唔知大家又會點處理呢?擺埋一邊?定勉勉強強都會用吓?其實會發生呢個情況,好可能係男友唔太了解你的喜好,又或者係佢唔太識買禮物俾人!

要處理呢件事,同時將傷害對方嘅程度減到最低,有以下方法:

  1. 如果你選擇講:

    你一打開份禮物,即使幾唔鍾意都好,嗰個moment你都唔好即刻黑面或批評!例如:「個款咁老土你都買架!」、「個顏色好核突囉!」等等……咁樣你會勁hurt佢,仲會令佢覺得好冇面,所以最好表現得開心同驚喜。其實份禮物係點樣都好,都係佢一番心意送俾你,禮貌上亦要同佢講多謝。

當過多一段時間,如果佢見你冇用到份禮物,可能會問你點解,到時你先婉轉地話佢知你唔鍾意,例如:「你送俾我條鍊太girlish呀,襯唔到我屋企啲衫,我遲啲試下襯俾你睇啦」、「你送俾我個袋隻色好難襯衫呢……」等等。你亦都可以俾返建議佢,例如:「如果條鍊唔係蝴蝶結,而係玫瑰花就好喇!」,或者「如果個袋唔係橙色,而係黑色會好啲!」等等。
愛情問題, 拍拖

2. 如果你選擇唔講:

如果你唔知點開口講自己唔鍾意份禮物,咁喺收到禮物之後,就耐唔耐喺同佢約會的日子用吓,俾佢見到你係會用佢份禮物。然後過多一段時間後,佢就可能會慢慢淡忘,你就可以借啲意唔用。

當然,平時同佢行街時,你都可以多啲表達俾佢知你鍾意咩類型嘅嘢,慢慢滲啲滲啲,佢自然就會知道你鍾意啲咩啦!

LOAD MORE