news

搶鏡過黃宗澤?《飛虎之潛行極戰》大隻仔梁裕恆以前係廢青

搶鏡過黃宗澤?《飛虎之潛行極戰》大隻仔梁裕恆以前係廢青

大台最近播出《飛虎之潛行極戰》,一開播就有唔錯嘅成績,仲引起唔少話題,劇集嘅亮點真係唔少,有多位型男出演,包括吳卓曦、黃宗澤、苗橋偉、王敏德等,每一秒都大鬥演技,睇到觀眾們都好肉緊!而除咗一班老戲骨鬥戲之餘,另一亮點就係一班爆肌大隻仔,個個都手臂粗過你大臂,睇到人眼都唔眨!

by anna

當中就有個大隻仔,喺一班演員中突圍而出,佢同黃宗澤一齊除衫曬肌肉,只係短短幾秒嘅出現,已經完全將黃宗澤比下去,絲打們都表示好搶鏡啊!

拎住花灑沖身嘅大隻仔雖然喺角落,但係都被眼厲嘅絲打們發現!大隻仔叫梁裕恆阿Flow,之前做消防員,前年參選過港男,不過可惜落選咗,而家就係健身教練,唔怪得咁大隻啦!

當佢見到《飛虎》入面嘅半裸鏡頭,都忍唔住喺Facebook留言話:「導演,有必要影咁低咩?」,好搞笑。

黃宗澤喺劇入面都好型好chok,仲有唔少裸上身嘅演出,甚有睇頭啊!

而阿Flow之前就喺IG 發布咗佢年青時嘅相,估唔到陽光男阿Flow,原來曾經係一個廢青。

「14歲就開始自生自滅,好彩無比自己一直廢落去,從一個廢青,再成為一個髮型師,之後成為消防員,我以為會是自己的終身職業,無想過自己會離開消防,成為一個健身教練,當時又是甚麼勇起令我走上舞台參選香港先生 。依家十分喜歡自己既工作,自己既生活,教健身令我識到好多人 工作既時候就好似見下d朋友,令佢地有成績,自己又有成功感。」

梁裕恆嘅故事真係好勵志啊,再次鼓勵到大家,無野係無可能架!

睇見佢啲肌肉,就知道佢有幾努力去練習啦,令人佩服啊!

LOAD MORE