你遇過嗎?恐怖情人的5大特徵!

你遇過嗎?恐怖情人的5大特徵!

每個人都渴望有一段甜蜜又和平既戀情,但總會有啲「恐怖情人」潛伏係人群當中,係交往初期你唔會覺得佢性格有問題,久而久之先會爆發出黎,令到你痛不欲生。或者處於熱戀之中嘅你,並未發現到任何異樣。

by isaB

今次就講下五大恐怖情人既特徵,各位帶眼識人啦。

1. 在生活中處處挑剔
係約會初期,當你地談論一些生活習慣時候,你會發現佢比較挑剔,好多嘢睇唔順眼,都係站於一個較高的位置去批判或者批評人地。咁你就要留意,呢個人雖然暫時對你感覺良好,可能你仲係同佢未熟

當熟到一個地步既時候,佢就會開始對你某啲生活習慣諸多挑剔,因為佢眼中根本容不下一粒灰塵,你就算再多優點,係佢眼中都會放大你缺點,長期落去你都唔會開心,還是趁未開始就收手吧。

2. 長期飾演受害者角色
約會初期,佢可能對妳讚不絕口,「你真係好好,唔似我果個賤格前度…」呢個時候你要小心,如果佢遇到前度、前前度、甚至係前前前度都無個好的話,咁好大機會有問題果個係佢自己。

佢習慣將責任推俾身邊既人,自己飾演受害者,咁樣你會不知不覺同情佢以及想幫助佢,而當你地關係親密起黎既時候,佢下一個怪罪的人可能就會轉嫁到你身上。

3. 自戀的掌權者
人與人之間應該係平等,拍拖都係。如果對方一開始就承認自己天生比較少爺仔,或者比較公主,呢種人通常都有自戀傾向

另外就係戀棧權力,想成為佢身邊既人,就要臣服於佢,佢話一你唔可以話二,長時間落黎,當你無聽從命令既時候,高高在上既佢就會用佢既方法虐待你。

4. 愛面子的人
呢類人自尊心比天高,咩事都要同人鬥一餐。雖然係相處的一開始,佢地會指出你既優點,令到你感到優越同驕傲

但相處越耐就會發現,當佢既自尊唔小心受到打擊時,佢地除左可能會係言語上貶到你一文不值,更加有可能暴力地郁手添,特別要小心愛面子的人。

5. 慣性說謊者

一個無意的謊言,你可能覺得無咩大礙,佢可能想誇大一些事實黎賺取你對佢既尊敬。

但長期相處,你會慢慢分唔清邊啲係謊言,可能就會產生懷疑,咁樣對感情都會有好大負面影響,所以最好就避免說謊者,坦承相對先至係王道啊。

LOAD MORE