feature

童年回憶返哂嚟!4部迪士尼真人動畫電影2019年跳上大銀幕

童年回憶返哂嚟!4部迪士尼真人動畫電影2019年跳上大銀幕

迪士尼出品必屬佳品,迪士尼嘅卡通片一定陪伴著大家成長,今年上映嘅《維尼與我》同《超人特工隊3》都叫好叫座,即將會上映嘅《無敵破壞王2:打爆互聯網》都好令人期待!究竟2019年又有咩必看迪士尼電影呢?不得不提嘅係4套真人動畫電影,每一套都一定係2019年嘅必看電影!

by COSMO

1. 《小飛象》上映日期:2019年4月上映

童年回憶返哂嚟!4部迪士尼真人動畫電影2019年跳上大銀幕

《小飛象》Dumbo相信係唔少人嘅童年回憶,今次真人版《小飛象》仲要由鬼才導演添布頓(Tim Burton)執導,帶大家走入《小飛象》嘅魔法馬戲團。

 

淨係睇預告片已經超感人,馬戲團利用Dumbo會飛嘅能力去賺錢,更加殘忍將Dumbo媽媽送走。添布頓加上佢嘅團隊希望利用CG技術拍出人性嘅黑暗面以及動物權益問題。唔知最尾Dumbo嘅命運會係點呢?

2. 《阿拉丁》上映日期:2019年5月23日

童年回憶返哂嚟!4部迪士尼真人動畫電影2019年跳上大銀幕

「A whole new world」呢句耳熟能詳嘅歌詞相信大家聽到歌詞就知係嚟自《阿拉丁》,可愛嘅藍色神燈精靈加上茉莉公主喺2019年會變成真人動畫,重新跳上大銀幕!

 

選角方面都有驚喜!燈神係由韋史密夫(Will Smith)飾演,唔知呢個燈神出到嚟會唔會變到又搞鬼又得意呢?

3. 《反斗奇兵4》上映日期:2019年暑假

童年回憶返哂嚟!4部迪士尼真人動畫電影2019年跳上大銀幕

《反斗奇兵》返嚟啦!原來《反斗奇兵3》上映嘅時候已經係8年前嘅事,當大家以為上一集已經係結局嘅時候,《反斗奇兵4》話你知胡迪,巴斯光年同一班朋友仔會捲土重來,喺2019年暑假再同大家見面!

預告片入面除咗見到一貫嘅《反斗奇兵》朋友仔之外,仲見到有新角色!唔知《反斗奇兵4》嘅歷險記又係一個點嘅故事呢?

4. 《獅子王》上映日期:2019年7月

童年回憶返哂嚟!4部迪士尼真人動畫電影2019年跳上大銀幕

超認真製作令到每條毛都清晰可見,有網友更加動畫版預告同真人預告做對比,發現每一個畫面都幾乎一模一樣,再配合埋熟悉嘅電影主題曲同配樂,真係好令人期待啊!

 

444444

真人版更加請嚟Donald Glover為辛巴配音,同埋美國流行天后Beyonce為辛巴戀人「娜娜」配音,唔知香港嘅配音代表到時又有邊個呢?

LOAD MORE