feature

恭喜蕭生蕭太拉埋天窗!蕭正楠黃翠如頒獎禮大搶風頭

恭喜蕭生蕭太拉埋天窗!蕭正楠黃翠如頒獎禮大搶風頭

恭喜蕭生蕭太!今年嘅《萬千星輝頒獎典禮2018》可以話係超有睇頭,除咗公佈咗各個獎項花落誰家,同睇一眾女星爭妍鬥麗之外,今年嘅風頭仲座落喺蕭正楠同黃翠如身上!因為喺蕭正楠同曹永廉獲得「最受歡迎電視拍檔」嘅時候,蕭正楠喺發表得獎感言大爆同黃翠如已經拉埋天窗!

by COSMO

恭喜蕭生蕭太拉埋天窗!蕭正楠黃翠如頒獎禮大搶風頭

蕭正楠嘅得獎感言用「我太太」嚟稱呼黃翠如,佢話:「「2018年喺我工作上有好多成就,做咗好好嘅綜藝節目,而喺我人生都做咗一個好大嘅決定,我好想趁呢個機會,多謝我太太黃翠如!我一直諗緊好浪漫嘅嘢多謝我太太,我真係諗唔到好多嘢,緊張咗成晚,我都唔記得多謝你乜嘢。多謝你令我更識照顧人,令我更識做一個男人,今晚呢個承諾真係好大鑊,因為係對住全香港,多謝大家畀呢個機會我講。」

 

恭喜蕭生蕭太拉埋天窗!蕭正楠黃翠如頒獎禮大搶風頭

得知蕭正楠黃翠如二人已經拉埋天窗,全場藝人當堂起哄,即刻拍掌歡呼,見到咁蕭生蕭太都相當識,最終以甜蜜咀嘴嚟收尾。

不過今日蕭正楠同黃翠如都喺社交網站發帖,二人上載嘅都係同一張相,相中只有二人嘅手並帶上戒指。雖然相係一樣,但兩個人所打嘅caption就好唔同,蕭正楠走簡約甜蜜風,只係輕輕寫咗一句「你快樂所以我快樂」。

翠如嘅caption就行感性風,更從caption中透露,求婚嘅時候無奢華嘅服裝都無氣派嘅場地,就連結婚戒指都搵唔到,所以最尾決定用餐具整成小戒指,簡簡單單就好了!

LOAD MORE