feature

永遠都係愛情絕緣體?可能係踩中咗呢5個男人最討厭行為

永遠都係愛情絕緣體?可能係踩中咗呢5個男人最討厭行為

單身嘅你有冇曾幾何時煩惱緊點解冇人追,好似永遠都係愛情絕緣體?明明樣貌性格唔係差,但就係同男仔唔可以跳過朋友嗰個關口去到戀人,可能係因為你踩中咗啲男子唔鍾意女仔做嘅行為。

by COSMO

1. 不注重外表

永遠都係愛情絕緣體?可能係踩中咗這5個男人最討厭行為

雖然好多男仔成日都話外表唔重要,但雖然口裏說不,你唔係真係信佢哋下話?掉返轉頭諗,當女仔話完全唔介意男仔外表嘅時候又係咪真係完全唔介意呢?第一印象永遠都好重要,雖然對方話唔介意,但其實心入面已經悄悄地打咗分數。即使你未必係天生美女,但係花心機打扮喺約會入面依然都係必須嘅一環。

 

2. 社交疲累

永遠都係愛情絕緣體?可能係踩中咗這5個男人最討厭行為

就算你外在條件優秀又性格好,但係如果你唔願意出去識朋友其實都係好難脫單。當你嘅生活圈就只剩下工作同認識多年嘅朋友同舊同學,發展新戀情嘅機會都會降低。最後可能你會選擇用交友app識朋友,但如果你又係相當被動嘅人嘅時候,又點樣可以出pool呢?

 

3. 愛玩內心小把戲

永遠都係愛情絕緣體?可能係踩中咗這5個男人最討厭行為

好多女仔都好鍾意玩內心小把戲,好鍾意扮唔介意,但其實心底裏都十分在意。就係想測試下「究竟佢有幾緊張我呢?」又或者「如果我唔搵佢,佢會唔會搵我呢?」但其實男仔嘅世界都好簡單,冇女仔咁多小心機,所以女仔口不對心同難以捉摸嘅行為其實男仔都好討厭。

 

4. 你仲man過佢

永遠都係愛情絕緣體?可能係踩中咗這5個男人最討厭行為

近年好興麻甩女漢子,係指啲女仔又爽朗又豪放又玩得又傾得,有時簡直可以當佢哋係男人。但係太過man太過麻甩嘅女仔,男仔都只會直接當你男人或者兄弟,並唔會考慮納入「女朋友」嘅類別。雖然唔係個個女仔都溫柔體貼又識撒嬌,但又真係大部份嘅男仔都鍾意小鳥依人嘅女仔喎,咁姊妹們......不如學吓啦!

5. 男人不會看上輕易跟他上床的女人

永遠都係愛情絕緣體?可能係踩中咗這5個男人最討厭行為

好多女仔都會覺得男人同你上床就會對你負責任,但其實呢個講法一啲根據都冇,試諗下如果你一個唔好彩撞著個狗公,你覺得one night stand之後佢真係會搵返你咩?男人只會覺得一夜情係各取所需,開心完咪算囉,太容易得手嘅對象,男人從來不會看上眼!

LOAD MORE