無綫劇穿崩位、膠位大盤點!

by Suki Lam

穿崩位1. 《乘勝狙擊》 - 林夏薇反地心吸力胸

無綫劇膠位穿崩位

新鮮滾熱辣既《乘勝狙擊》,第一集林夏薇就同陳展鵬一齊扮全裸上陣,當時只係得個膊頭,正常人心裡面都暗呼緊個攝影機影低啲啦,點知鏡頭一轉﹗真係有低啲啊,但林夏薇個胸反地心吸力咁堅挺,仲要有凹位,扮明有著衫仲要托一托啦,又話全裸嘅,回水﹗

無綫劇膠位穿崩位

穿崩位2. 《巾幗梟雄之諜血長天》-祥仔背脊一秒爆血

無綫劇膠位穿崩位

話說呢幕講喺爆炸時,祥仔為咗救胡杏兒,用個身遮住對方,明明個彈已經爆咗,而呢個鏡頭望落件衫仲白雪雪,點知轉眼可以污糟到仲成身血。

無綫劇膠位穿崩位

穿崩位3. 《梟雄》 - 爆血前傳:二五仔消失的血

無綫劇膠位穿崩位

做吓research 發現原來「一秒爆血」係做開有條路,係《梟雄》裡面祥仔開槍打死二五仔之後佢立即出血身亡,但下秒鐘啲血連一滴都見唔到,之前都過到骨,唔怪得《巾幗3》再嚟啦﹗

穿崩位4.《太極》 - 軍閥時代現高樓

無綫劇膠位穿崩位

呢套劇無綫好揼本咁專登走去雲南實地拍攝,點知真係千算萬算都敵不過攝影師嘅失算,被眼利觀眾發現背景出現一棟高樓,軍閥時代就有?真係好難說服到人喎。

穿崩位 5. 《公公出宮》 - 穿越時空的柴油火車

無綫劇膠位穿崩位

大台最鍾意玩主角穿越時空,今次係《公》裡面無綫就將對象改成一個柴油火車,事關明明民國初年只得蒸氣火車,但大結局竟然出現咗柴油火車,其實到底係柴油火車穿越,定係祥仔呢?

穿崩位6.《流氓皇帝》 - 美魔女周麗淇

無綫劇膠位穿崩位

小編相信大台一定係知道時下流行「美魔女」,周麗淇個阿婆Look,就算老到八十歲彎晒腰,「皺紋」兩個字都絕對唔會出現架﹗

穿崩位7. 《雷霆掃毒》 - 賣吓廣告先

無綫劇膠位穿崩位

呢套劇都成五年前,大家可能未必記得,不過嗰時真係引起一時「笑」話,事關穿崩位多攞攞,好似呢場槍竟然出現無綫三色台徽,小編明嘅,點都要賣吓廣告啦。

穿崩位 8. 《天梯》 - 手機勿亂放

呢個穿崩位唔係好多人知道,事關無綫係香港正式播出時,就用咗電腦執圖,但內地播映版本就因為趕出街趕出事囉!被人發現身在民初時代嘅陳豪件衫勁閃,所以當時網民都叫陳豪咪以為手機袋係衫裡面就無事,熄機吧啦﹗

穿崩位9. 《萬凰之王》 - 清朝特產烏龍茶

回顧一下原來已經事隔六年,不過呢個穿崩位真係經典中嘅經典,竟然係清朝宮殿上出現烏龍茶膠樽,當時網民仲笑大台係咪想借機賣廣告啊﹗

穿崩位10. 《食為奴》 - 亂入客貨Van

無綫劇膠位穿崩位

食為奴作為喜劇大家都預咗要笑架啦,不過全套劇最好笑,莫過古代劇突然有架貨Van 駛過,呢個穿越時空位真係令人O晒咀啦﹗

膠劇1.《神鎗狙擊》- 不死子珊VS單手攀石

無綫劇膠位穿崩位

嚟到講無綫「膠」劇,《神鎗狙擊》真係無可能唔提,第一集謝天華單手攀石仲要講電話,個臂力真係仲強過 Hulk 啊;另外每次都化險為夷嘅「不死子珊」,亦都每晚睇到小編嘩嘩聲架。

無綫劇膠位穿崩位
無綫劇膠位穿崩位
無綫劇膠位穿崩位

膠劇2.《叛逃》

無綫劇膠位穿崩位

呢套絕對可以話係《神》嘅升級版,今次「不死子珊」能力由陳展鵬繼承,但正所謂青出於藍勝於藍,煎 Pang 同關禮傑體能仲勁到可以跳過隔離大廈天台,當時影帝秋生就講咗句:「淨係王心慰監製都值得一睇啦﹗」

膠劇3. 《來自喵喵星的妳》

無綫劇膠位穿崩位

《來自喵喵星的妳》連貓都玩埋一夜情?講真淨係睇個名小編已經唔多開胃,仲要搞笑到有一幕話原來田蕊妮同趙永洪仲係貓嘅時候,試過係垃圾站發生一夜情,喂呀!使唔使玩咁大!

無綫劇膠位穿崩位

膠劇4. 《鐵馬戰車》 - 唐詩詠的記憶宮殿

無綫劇膠位穿崩位

《鐵馬戰車》本身口碑同收視都唔錯,但之後真係「膠」味越嚟越濃,尤其唐詩詠又有天眼、讀唇技能,仲要有個超強記憶宮殿,細緻到話連牙籤上嘅酒樓名、膠袋上面穿咩都記得,咁真係只能講句,「世事都被你看透了」。

無綫劇膠位穿崩位
無綫劇膠位穿崩位

膠劇5. 《桌球天王》

好記得呢套劇果個「膠味」真係揚威海外,因為當時法國花式施球手 Florian Kohler 睇完之後都大讚 Crazy,我都明嘅,打個桌球去到又晒火花又爛Cue ,咁嘅劇情都出得真係笑到人都 Crazy呀。

無綫劇膠位穿崩位

膠劇6.《張保仔》

無綫劇膠位穿崩位

當小編咁樣篩選膠劇,覺得如果無加入《張保仔》,真係對唔住無綫花足3千萬咁大製作呀。劇裡面又係例牌翻炒瞬間避子彈,仲要每次船上大戰啲主角講嘢都有回音,喂喂喂,3千萬其實花嚟做特技之餘,不如用啲嚟請個有創意嘅編劇同做好收音位啦。佢哋應該冇聽政府呼籲,唔好倒錢落海呀。

膠劇7.《實習天使》

無綫劇膠位穿崩位

認真,雖然《實習天使》係好多靚女,但多個內容真係「膠」得極度離譜,好似個病人量體溫竟然得35.4度咁低溫,但都無人Report ;有一幕香香又暈又嘔最後休克埋,洪永城連驗都唔使就知道因為係感染金葡菌,之後唔使一陣香香就立即醒返,嘩﹗洪永城唔係護士,係神呀﹗

無綫劇膠位穿崩位

膠劇8. 《大冬瓜》

話《大冬瓜》係膠劇相信冇人會反對,因為不論係主題曲同劇集名都散發出膠味濃郁,當時真係師奶都唔想睇!

膠劇9.《神探高倫布》

無綫劇膠位穿崩位

呢套簡直係經典啦,事關小編仲記得當時成套劇幾乎得兩個字回響,就係「剪布」,事關馬賽係入面嘅角色實在太過煩膠,每日都「布布娃娃」,真係只要播片頭曲都立即跑去熄電視啊﹗

無綫劇膠位穿崩位

膠劇10.《雷霆掃毒》

無綫劇膠位穿崩位

無錯又係呢套劇,因為裡面除咗穿崩位,其實「膠味」亦好重,因為多個劇呢位令觀眾睇到抓爆頭,好似係黃智賢日光日白著草都係第一次見;仲有林峯手揸肥皂泡竟然唔會穿,同埋染上毒癮嘅徐子珊中埋槍變植物人都可以順產生到個健康BB,到底仲有咩劇情係無綫寫唔出呢?

無綫劇膠位穿崩位

 <延伸閱讀>假期煲英美劇推介!

 <延伸閱讀>盤點排骨仔變大隻佬實錄

LOAD MORE