[游生VS拳佬]亞視人大翻身 袁文傑、陳展鵬邊個正啲?

by 鈕鈷綠

亞視摺埋咗之後,大台變成「亞視收容所」,將好多亞視人收歸期下,好似蔡國威、張文慈、袁潔儀同袁文傑等,大台亦都冇理出身,畀好多機會佢哋,喺亞視摺前已洞悉先機走人兼入埋大台嘅,更加有視帝視后級嘅陳展鵬同田蕊妮,而近排就有袁文傑憑《不懂撒嬌的女人》飾演嘅霸氣「游生」爆紅,

「游生」袁文傑爆紅,佢嘅舊事同感情事就開始畀人摷出嚟講,發現原來佢同陳展鵬喺亞視時期已經有牙齒印,依家一齊拍劇都仲有面阻阻,唔少人就攞二人嚟比較添!


1.外表

袁文傑今年45歲,擁有188cm嘅身高,保養得宜完全冇接近半百嘅味道!

袁文傑
今年40歲嘅陳展鵬一樣keep得好好,喺《城寨英雄》仲展現咗FIT爆嘅身段,而180cm嘅佢都算係高人,不過就依然比高高人袁文傑差8cm。

陳展鵬
袁文傑

陳展鵬
▲睇番當年佢哋喺亞視影嘅月曆,陳展鵬個LOOK、個POSE都勁娘呀!OMG~

2.演技

袁文傑喺《不懂撒嬌的女人》中飾演嘅游生,雖然霸氣十足,不過可能因為太耐冇演戲,都係有少少生硬,演技有待進步。

袁文傑
陳展鵬上年喺大台嘅頒獎禮拎咗視帝,雖然係自己人嘅遊戲,不過當時好多觀眾撐佢贏,都係眾望所歸,大熱勝出。

陳展鵬

3.感情

袁文傑同大台前兒童節目主持張潔蓮(Jackeline姐姐)拍拖6年,不時畀記者影到手拖手甜蜜出巡,之前仲一齊去睇婚紗添,好鬼恩愛。

袁文傑, 張潔蓮

袁文傑
▲袁文傑同Jackeline姐姐兩個都KEEP得好好呀!

陳展鵬
之前同胡定欣曖曖昧昧咁,但點知又畀人影到同落選港姐單文柔喺山頂談心,仲驚青到撞到記者架車,事後佢喺instagram話希望大家畀空間。同單文柔同場出活動時,就嚟個快閃極速走人,單文柔一個面對記者。男人老狗要個女仔自己出嚟頂,有啲唔man囉......

陳展鵬 胡定欣
陳展鵬 單文柔
▲單文柔

<延伸閱讀>[4K是甚麼?]《不懂撒嬌的女人》大台首部4K全實景製作 唔使再睇低質廠景!

<延伸閱讀>出道前後兩個樣?盤點明星們不堪回首的那些年.......

LOAD MORE