news

全部大製作 影后爭住演! 2019最值得追看內地電視劇搶先看

全部大製作 影后爭住演! 2019最值得追看內地電視劇搶先看

隨住觀眾口味越嚟越刁鑽,內地電視劇嘅故事同製作都飛速進步。雖然唔少劇集注水問題仲好嚴重,但普遍都係劇情緊湊,服裝佈景同道具更加越嚟越精美。日前內地電視台同視頻網站開始陸續宣傳將喺2019年播出嘅劇集,只能夠話2019好劇比2018仲多呀!

by CC

1,《南煙齋筆錄》-劉亦菲強勢回歸電視圈

全部大製作 影后爭住演! 2019最值得追看內地電視劇搶先看

 呢兩年唔少電影大咖開始回歸電視螢幕,比如周迅拍咗一套《如懿传》,雖然收視不及《延禧攻略》,但係製作精良,口碑同樣都唔錯。周迅拍《如懿傳》被業界寄予厚望,要超越經典《後宮甄嬛傳》,只可惜半路殺出個《延禧攻略》。

全部大製作 影后爭住演! 2019最值得追看內地電視劇搶先看

已經有12年冇拍過新劇嘅神仙級美女影星劉亦菲都緊跟腳步,佢嘅新劇《南煙齋筆錄》已經殺青,明年將會同觀眾見面。新劇海報色調同設計都與電影海報無異,係一部堪比電影嘅精心製作重頭劇。

全部大製作 影后爭住演! 2019最值得追看內地電視劇搶先看

2006年拍完《神雕俠侶》之後,劉亦菲就去咗拍電影進軍荷里活,可惜成績一直唔理想,冇代表作之餘,仲俾人話係“票房毒藥”,吃力不討好。但佢喺公仔箱前留俾大家嘅形象依然仲係嗰個令人夢魂繚繞嘅神仙姐姐小龍女,眼見宜家大陸電視劇製作劇本都越嚟越高水準,劉亦菲都選擇回歸,一度仲引起唔少討論,總體嚟講觀眾依然非常期待佢嘅出現。

全部大製作 影后爭住演! 2019最值得追看內地電視劇搶先看

配合故事嘅民初懸疑題材,新劇定妝照同劇照色調偏冷,佈景同服裝都非常精美,再加上有劉亦菲和井柏然聯手,可以話已經贏在起跑線上。有機會成為2019最熱劇集。

全部大製作 影后爭住演! 2019最值得追看內地電視劇搶先看

31歲嘅劉亦菲顏值依然仲好打得,淡妝同少女毫無分別,不過眉頭深鎖嘅表情,似乎新角色同以前嘅高冷女神形象差唔多,可能會少咗啲突破。

2.《江山故人》-章子怡進軍小螢幕

全部大製作 影后爭住演! 2019最值得追看內地電視劇搶先看

身為國際電影巨星章子怡今年開始進軍電視劇,佢同周一圍,趙雅芝等合拍嘅電視劇《江山故人》啱啱殺青,已經作為浙江衛視2019年主要推薦嘅電視劇之一,喺電視台招商會上推廣,但具體播出日期未定。流出嘅劇照亦非常少。劇組殺青時青章子怡同女配左小青合照。

全部大製作 影后爭住演! 2019最值得追看內地電視劇搶先看

正式發佈嘅只有一張概念海報,其他造型同場景全部保密。章子怡第一套電視劇會喺點,2019見分曉。不過呢套電視劇改編自人氣小說,故事情節比較曲折,女主角屬於強勢霸道嘅性格,確實非常適合章子怡演出。

3.《倚天屠龍記》翻拍年輕版

全部大製作 影后爭住演! 2019最值得追看內地電視劇搶先看

2019年仲有新版《倚天屠龍記》,張無忌,趙敏,周芷若全部用年輕演員,平均年齡只有24歲,新版選角普遍令觀眾滿意,尤其係周芷若反派味道非常濃,單睇劇照已經好有火花。

全部大製作 影后爭住演! 2019最值得追看內地電視劇搶先看

新版周芷若同樣唔好惹。

全部大製作 影后爭住演! 2019最值得追看內地電視劇搶先看

演張無忌嘅曾舜晞只有21歲,生得好似少年漫畫男主角,花名叫“大眼仔”。

全部大製作 影后爭住演! 2019最值得追看內地電視劇搶先看

少女標本嘅許雅婷都有喺入面演小昭。

全部大製作 影后爭住演! 2019最值得追看內地電視劇搶先看

周海媚係劇中一大gimmick,曾經嘅周芷若進化成滅絕師太,眼神依舊兇狠犀利,值得期待。

4.《我的真朋友》-Angelababy演房產中介

全部大製作 影后爭住演! 2019最值得追看內地電視劇搶先看



喺今年嘅《創業時代》中Angelababy為劇集奉獻出木偶式演技,再次被網民狠批,但佢越挫越勇,絕不放棄對電視劇嘅追求,嚟緊2019大家又可以見到佢喇。今次佢同新晉男神鄧倫以及當紅男性朱一龍合拍《我的真朋友》,演房地產中介。

全部大製作 影后爭住演! 2019最值得追看內地電視劇搶先看

三個主角都喺內地頂級流量明星。

全部大製作 影后爭住演! 2019最值得追看內地電視劇搶先看

劇中Angelababy免不了要同鄧倫談情說愛,做咁睇呢兩個人都幾襯。西裝baby甜美可愛,佢做房產中介應該所向無敵。不過喺新劇嘅演技中會唔會吸取批判教訓,有所進步,就有待觀眾評價喇。

5.《巴清傳》播出有望

全部大製作 影后爭住演! 2019最值得追看內地電視劇搶先看

原本計畫喺今年年初播出嘅年度大劇《巴清傳》曾經因為與歷史不符要修改部分內容,修改完成之後又因為女主角范冰冰陷入逃稅風波擱置到宜家,范冰冰10月正式回應逃稅事件並且承諾會交8億人民幣罰款,逃過牢獄之災。有傳《巴清传》明年有機會解凍,到時大家就可以欣賞呢套耗資5億人民幣拍攝嘅電視劇。

LOAD MORE