聖誕電影片單2024就在這裡！Cosmo精選10部浪漫愛情、溫馨搞笑經典節日好戲，讓大家在線上看過夠，放假跟著以下推介看就沒錯了，聖誕就係要過一個Movie Christmas 才像樣！
登入 瀏覽文章可賺取積分
10套經典聖誕電影推薦
聖誕就係要過一個Movie Christmas 先似樣！你最愛重溫的又是哪一套經典聖誕電影呢？《真的戀愛了》（Love Actually）啱晒愛情狂冧住過聖誕，《寶貝智多星》就夠晒經典，由細睇到大，仲可以繼續笑到老。編輯為大家精選10大聖誕節必看電影。
聖誕電影片單推薦：《舊年聖誕好戀嚟》( Last Christmas）
"Last Chrristmas I gave you my heart..."電影《舊年聖誕好戀嚟》( Last Christmas）是以已故歌手George Michael 的同名聖誕名曲《Last Christmas》作靈感，由神劇《權力遊戲》「龍母」Emily Clarke夥拍大熱電影《我的超豪男友》男主角Henry Golding主演。這齣聖誕愛情喜劇是以英國倫敦作為背景，在聖誕精品店工作的Kate（Emily Clarke飾）諸事不順，受家事和自身煩惱困擾，失去了生活意義，直到某天她遇上神秘暖男Tom（Henry Golding飾），令她經歷了一個意想不到的聖誕，生命也有了重大的變化。
聖誕電影片單推薦：《卡露的情人》（Carol）
聖誕節是一個浪漫的節日，也造就了片中兩位女主角相識，發展一段不一樣的愛情故事。故事講述少女Therese（Rooney Mara飾）到紐約追尋夢想，她渴望成為攝影師，卻只能暫當百貨公司的售貨員，生活猶如一潭死水，直至遇上來為女兒買聖誕禮物的貴婦Carol（Cate Blanchett）。Carol優雅動人的外表和談吐舉止深深吸引著她，令她怦然心動。Therese按捺不住聯絡Carol，二人愈走愈近，再也無法遏止心底的情感，並決定一起出走，但Carol發現她前夫派了偵探跟蹤她們...... 在世俗目光下， 她們能否衝破一切抓緊摯愛？
聖誕電影片單推薦：《真的戀愛了》（Love Actually）
2003年上映的《真的戀愛了Love Actually》，不經不覺已經陪伴大家度過20年聖誕，至今仍是不少人心目中的聖誕電影經典，大時大節必需一再重溫。
邊個愛情片Fans冇睇過英國名編輯Richard Curtis自編自導嘅《真的戀愛了》？
當中Andrew Lincoln暗戀死黨老婆Keira Knightley多時，聖誕用紙牌示愛一幕勁冧豬，一句「To me , you're perfect」，睇十次都一樣咁甜！
▲電影劇照
▲電影劇照
電影仲有唔少發人深省感動位，加上動人配樂，令觀眾感受Love is all around，導演仲加入戇豆先生送笑彈，拍出溫暖人心又令人會心微笑嘅聖誕經典愛情片！
聖誕電影片單推薦：《寶貝智多星》（Home Alone）
聖誕唔止得冧豬愛情片，仲有出爐近30年仍好多人翻睇嘅《寶貝智多星》，故事講百厭星Macaulay Culkin意外被家人遺留家中，人仔細細嘅佢出盡法寶對付兩個賊仔，過程驚險又笑料百出，度過難忘聖誕！
▲電影劇照
電影不但成為Macaulay代表作，近年仍然有不少Fans扮佢於戲中嘅經典表情！
聖誕電影片單推薦：《緣份精華遊》（The Holiday）
英國有《真的戀愛了》，美國都有由兩個愛情故事交織出嘅《緣份精華遊》。唔止有全盛時期嘅Jude Law同Cameron Diaz晒荷里活男女神顏值，仲有影后Kate Winslet配諧星Jack Black晒演技，兩女互換居所過聖誕，意外改變愛情運，成就一個粉紅色嘅聖誕假期！
聖誕電影片單推薦：《BJ單身日記》（Bridget Jones's Diary）
都係Richard Curtis嘅編劇作品，雖然比起《真的戀愛了》無咁冧，不過一樣勁有節日氣氛！
故事講宅宅地嘅中女Renée Zellweger想搵到真愛，遇著兩大型男Colin Firth同埋Hugh Grant，打孖上意亂情迷，鬧出連場笑料！
英氣嘅Colin於戲中著上傳統聖誕冷衫仍然無變老土大叔，一度成為熱話，事隔多年仍然咁型！
▲電影劇照
聖誕電影片單推薦：《怪誕城之夜》（The Nightmare Before Christmas）
美國名導Tim Burton嘅作品雖然色調獨特，唔似有聖誕嘅喜氣洋洋氣氛，不過動畫《怪誕城之夜》一樣係聖誕人氣電影！
故事講「怪誕城」主腦對萬聖節厭倦，偶然發現充滿歡樂嘅「聖誕城」，決心搞過屬於怪誕城嘅聖誕節，卻引發奸友計劃著要毀滅聖誕老人！電影故事與畫面同樣有玩味，視覺效果與趣味毋庸置疑！
▲電影劇照
聖誕電影片單推薦：《虎膽龍威》（Die Hard）
動作片都有節日氣氛！無錯，Bruce Willis擔正嘅《虎膽龍威》就被電影迷封為另類聖誕電影！呢個長拍長有嘅系列為人熟知，主角成日都要捉賊救世界同屋企人，第一集就係講Bruce想同老婆仔女過節，意外於老婆公司單人匹馬對付犯罪分子，當中一幕打低賊人手下，仲為對方戴聖誕帽當禮物向敵人挑機，成為經典場面！
聖誕電影片單推薦：《北極快車》（The Polar Express）
由Chris Van Allsburg同名暢銷兒童書改編而成嘅動畫《北極快車》由動態捕配上電腦特效成，畫面精緻、夢幻得來又有真實感！
▲電影劇照
故事講小男孩於聖誕前夕同朋友坐上特快列車去極地拜訪聖誕老人，係個關於童真與童心嘅Warm爆故事，仲有奧斯卡影帝Tom Hanks護航，小朋友不能錯過！
▲電影劇照
聖誕電影片單推薦：《幻海奇緣》（Edward Scissorhands）
另類聖誕電影仲有Johnny Depp代表作之一《幻海奇緣》，雖然「剪刀手」造型無咩歡樂氣氛，但電影其實係個發生於聖誕嘅愛情故事！
故事中有「剪刀手」製作冰雕時滿天冰雪，與女主角Winona Ryder共舞嘅場景，浪漫又淒美，而且結局感人，成為多年來仍膾炙人口嘅經典！
▲電影劇照