【係回憶呀】胡杏兒晒姊妹團圓合照 望與《絕世好爸》陳慧珊再合作 其餘兩位家姐去咗邊？
圈中靚媽胡杏兒出名人緣好， 除了胡說八道會一班成員之外，身邊也不乏姊妹淘。日前她就約了TVB前同事陳慧珊（Flora）聚舊 ，更於社交網站上大晒合照。 對於電視劇《絕世好爸》的兩姊妹團圓，網民紛紛表示：「係回憶呀！」
能夠與陳慧珊見面，胡杏兒相當興奮，除了即時分享兩人頭貼頭的合照之外，更留言：「絕世好爸的二女和四女，衝上雲霄的Belle和Zoe，但其實，Flora演的專業人士是我最喜愛最喜愛的，」
《衝上雲霄》爭Sam哥
提到陳慧珊和胡杏兒合作的作品，普遍人第一時間是想起《衝上雲霄》。劇中飾演Belle及Zoe 嘅佢地同Sam哥（吳鎮宇 ）都有感情線。
到底有幾多人仲記得《絕世好爸》這套劇？跟《衝上雲霄》一樣是2002年TVB的電視劇，陳慧珊和胡杏兒當中也有合作。
《絕世好爸》姊妹花
要數TVB溫情劇代表，《絕世好爸》應該也榜上有名 。劇情講述老戲骨秦沛所飾演的高開早年喪妻，於是父兼母職，獨力撫養四個女兒長大成人。四個寶貝女各有所成，唯一令他牽腸掛肚的是她們的終身大事。
三家姐郭羨妮相夫教子
高家四姊妹，胡杏兒係孻女，陳慧珊係二家姐，咁三家姐呢？
噏得出嘅話你都應該係TVB忠實劇迷。三家姐係99年香港小姐冠軍兼紅極一時的大台花旦郭羨妮。佢同胡杏兒都算幾有緣，同年選港姐，曾經拍劇做姊妹，2015年兩人亦喺同一年同TVB結束賓主關係。 唔講真係以為佢地約埋。
郭羨妮2011同內地動作導演朱少杰低調成婚，次年誕下一女 。
郭羨妮現時只活躍於內地演藝圈，今年她鮮有與郭可盈合作拍攝一個香港廣告，大Sell兩人凍齡外表反應不錯。
郭羨妮在TVB有不少經典作，當中不得不提的一定是《尋秦記》 的琴清。
大家姐劉錦玲銷聲匿跡
至於大家姐劉錦玲，大家對佢個樣同名應該還有依稀印象。 劉錦玲1989年參加亞洲電視藝員訓練班，畢業後就簽約亞視而加入娛樂圈。
電影也有拍過，更曾與劉德華、梁朝偉演一對。
過檔無綫後也拍過不少劇集，《學警雄心》、《法證先鋒》都有佢份。
最後有關劉錦玲的報道就是她對娛樂圈心灰意冷，2006年滿無線後後無奈退出幕前轉行做保險，不知道現在她生活如何呢？
