news

反斗奇兵新玩具曝光!Toy Story4明年暑假上映 Tom Hanks爆Sad Ending

反斗奇兵新玩具曝光!Toy Story4明年暑假上映 Tom Hanks爆Sad Ending

大人細路都咁鍾意嘅《反斗奇兵》(Toy Story)動畫系列唔經唔覺已經嚟到第四輯! 《反斗奇兵》(Toy Story4)將於明年6月同大家見面,日前!距離上一集反斗奇兵3已經過去8年,其實第4集原本計畫喺今年就同可以大家見面,但因為原導演身陷醜聞而辭職,導致上映計畫不斷延後。時至今日,呢部耗時3年製作而成嘅動畫終於定檔,真係釣足fans癮呀。

by CC

【最終回?】《反斗奇兵4》明年暑假上映 Tom Hanks爆Sad Ending

曾經獲得2011年奧斯卡金像獎最佳長片動畫以及入圍奧斯卡最佳影片嘅《反斗奇兵3》(Toy Story 3 ),一度被認為係《反斗奇兵》系列嘅最終章。2014年,PIXAR動畫製作室宣佈將籌備反斗奇兵嘅第四集時都惹嚟唔少爭議。

【最終回?】《反斗奇兵4》明年暑假上映 Tom Hanks爆Sad Ending

《反斗奇兵3》 中,17歲嘅安仔(Andy)馬上要離開屋企去讀大學,而因為誤會,成班玩具以為小主人拋棄咗自己,後來誤會解除,胡迪(Woody)就同佢班老友冒險返去主人身邊。

新角色曝光!《反斗奇兵4》明年暑假上映 Tom Hanks爆Sad Ending

《反斗奇兵3》(Toy Story3) 除咗必不可少嘅搞笑元素之外,仲非常熱血,催淚,想當年無數觀眾睇完都喊到傻。之後仲橫掃各大頒獎禮,可以話係由1995年開始《反斗奇兵》(Toy Story)系列入面最經典嘅一集。所以大家都覺得反斗奇兵呢個系列到此為止就已經好完美喇。

【最終回?】《反斗奇兵4》明年暑假上映 Tom Hanks爆Sad Ending

不過原來故事仲係未完!2014年PIXAR同Disney宣佈籌備《反斗奇兵》(Toy Story)新一輯《反斗奇兵4》(Toy Story4)。一直只聞樓梯響, 直到4年後的2018年,日前PIXAR才發布電影嘅第一條先行預告片,片頭胡迪同巴斯光年,仲一班老友柴娃娃手拖手,相當開心。

《反斗奇兵4》預告片1 

新角色曝光!《反斗奇兵4》明年暑假上映 Tom Hanks爆Sad Ending

喺眾多觀眾熟悉嘅臉孔之中,仲加入咗一個新成員,據說呢名成員叫Forky,人如其名外表好似係一隻叉咁,傻得嚟又帶點可愛。 

【最終回?】《反斗奇兵4》明年暑假上映 Tom Hanks爆Sad Ending

預告片中Forky好唔鍾意呢個玩具大家庭,仲狂嗌自己唔係玩具,搞到其他人亂嗮龍。照計Forky係餐具唔係玩具,點解會混咗入玩具度嘅呢?而且佢好似俾人加工過,多咗手手腳腳,詳細真係要等電影幫大家解畫喇。

《反斗奇兵4》預告片2

【最終回?】《反斗奇兵4》明年暑假上映 Tom Hanks爆Sad Ending

其實除了Forky次外,今集還有另外兩個新角色!分別是Ducky同Bunny,佢地都係嘉年華的獎品毛毛公仔,在其後的預告片也有曝光。

【最終回?】《反斗奇兵4》明年暑假上映 Tom Hanks爆Sad Ending

據說《反斗奇兵4》(Toy Story4)將會俾前三集更加催淚,而胡迪(Woody)嘅配音演員Tom Hanks之前都有透露話幫《反斗奇兵4》(Toy Story4)配音內心並唔好受,配最後一幕嘅時候仲差啲冇辦法完成工作。佢話自己配音嘅時候仲一度無法直視其他工作人員,可見劇情真係好虐心呀。

【最終回?】《反斗奇兵4》明年暑假上映 Tom Hanks爆Sad Ending

《反斗奇兵3》(Toy Story3)已經夠催淚,《反斗奇兵4》(Toy Story4)會更加傷心?而且仲有機會係Sad Ending?呢個消息一出反斗fans更加驚啦,會唔會好似復聯咁搞個全員毀滅?睇返預告海報,胡迪手握帽簷,深情回望,表情似乎有啲凝重。好似有告別嘅感覺。

【最終回?】《反斗奇兵4》明年暑假上映 Tom Hanks爆Sad Ending

宜家多咗手機iPad,小朋友都已經少咗玩玩具,更何況係大個仔嘅安仔(Andy),唔知胡迪(Woody)佢哋係咪都打算喺《反斗奇兵4》(Toy Story4)同大家講再見呢?

LOAD MORE