墮馬意外後首個演唱會 劉德華喉嚨發炎腰斬演出 含淚向歌迷致歉

劉德華12月28號晚在演唱會途中，向觀眾說：「醫生建議我唔好唱，但我真係唔捨得。我唔想大家聽我呢把聲聽成個concert，但我冇辦法，所以我唱埋呢隻歌（<如果有一天>），要停止喇！善後嘅工作我會慢慢交代返，希望我盡最大努力唱完呢隻歌，亦都希望你哋陪我一齊唱。要同大家道歉，多謝你哋，你地要俾多次掌聲你哋自己！」

然後唱最後一句：「你心我心 手與手 連成一線 為你可分憂 好朋友」然後在台上雙手合十，分別向四邊觀眾鞠躬。

作為天王，華仔唱功已不在討論之列，相反我將重放了在佢交給觀眾的表現！今年57歲的他開了四面台，每隻歌的舞蹈跳足四面，基成上成晚滿足晒四面的觀眾，華仔又唱又跳；而更重要的是他兩年前拍攝出過意外，康復後有這個表現，又點可吝嗇掌聲。

今次華仔表示將台中間（頂位）的大電視拆掉，希望大家可以睇晒整個場地，的確拆掉大電視全晚真係可以focus 在台上，如果有個大電視，總係會忍唔住睇電視上的近鏡。其次，舞台的變化多端，高低轉向、有時又會變成階級、亦能變成一直行，單睇呢個舞台設計和製作，真心覺得$980 已值回票價。

自問只係一個普通觀眾，尾段快歌的一輪熱舞，以軍隊出巡開首，像檢閱三軍、再配亂槍掃射來個首尾呼應，畫面非常震撼。