feature

「好多人話我唔適合做演員!」談善言不甘被定型 夥拍影后視后愈演愈強!

「好多人話我唔適合做演員!」談善言不甘被定型 夥拍影后視后愈演愈強!

短髮90後談善言,2012年憑《點五步》初任女主角引人關注,從模特兒界轉戰電影圈。短短7年再殺入電視圈,跟惠英紅、鄧萃雯、姜皓文和陳錦鴻等好戲之人合作,機會確實難得。演藝事業一帆風順,但原來她曾被人批評話唔適合做演員!作為影視圈新貴,阿談又如何證明自己的實力?


硬朗內向、不愛交際,成別人質疑演戲能力的理由!

「好多人話我唔適合做演員!」談善言不甘被定型 夥拍影后視后愈演愈強!

今時今日要在影視圈闖出一片天並不易,尤其新一代,要不憑女神形象突圍,要不以演技見真章,後者當然難上加難。談善言自言「深知自己唔係女神」,拍住金像獎級對手及前輩演戲,壓力都好大:「跟紅姐拍《心冤》做對手戲,佢嘅氣場好強,加上要對住影后,真係令我好緊張。」

「好多人話我唔適合做演員!」談善言不甘被定型 夥拍影后視后愈演愈強!

▲《心冤》劇照,惠英紅飾演madam,盤問談善言飾演的富家女羅天儀,自編自導自演整場綁架案,故有不少對手戲。

「好多人話我唔適合做演員!」談善言不甘被定型 夥拍影后視后愈演愈強!

▲《婚內情》劇照

到《婚內情》對住雯女亦如是:「如妃娘娘喎,氣勢一樣好震懾,而且佢要求都好高。」

壓力雖大,但阿談從不向外流露軟弱一面:「我好在乎其他人點睇我,因為好勝、要面子。即使同人呻完都會充滿負能量,件事又未必解決到,不如自己嚟。」

 

「好多人話我唔適合做演員!」談善言不甘被定型 夥拍影后視后愈演愈強!

可是,當任何事都藏在心裡,就成為了別人批評的理由。

「因為我表達能力唔強,比較鍾意收埋自己,又唔夠social,所以都好多人話我唔適合做演員!到底我喺呢行能唔能夠生存,都係一個問題。」以上種種,都令阿談一度迷失方向,不肯定要否繼續行演員這條路。

 

不甘被定型、被輕視,為角色去到盡!

「好多人話我唔適合做演員!」談善言不甘被定型 夥拍影后視后愈演愈強!

幸運地,每個前輩們會視乎阿談的表現去迎合角色,令她學會揣摩角色情感、享受跟對手的火花。她也開始學習了解自己:「我唔鍾意表達情感,唔代表我唔識。只要肯練習,就一定有改善。朋友都話我呢一兩年唔同咗好多,因為我開始了解自己開心、唔開心嘅原因,內心深處都蘊釀唔同嘅情緒,再學習搵方法去釋放,做戲時就能夠更投入角色。」

 

「好多人話我唔適合做演員!」談善言不甘被定型 夥拍影后視后愈演愈強!

另一邊廂,她為角色去到盡,在《告別之前》剃光頭演癌症病人只是小兒科,《非分熟女》演索爆pole dancer才是最大挑戰:「當我第一次fitting時都好有障礙,我到底可唔可以好有自信咁著住呢套衫呢?因為大家對我都無幻想,我冇女人嘅婀娜多姿。」

 

「好多人話我唔適合做演員!」談善言不甘被定型 夥拍影后視后愈演愈強!

為了證明自己的實力,阿談為《非分熟女》努力修身練肌肉,又自費惡補鋼管舞。大家看見熒幕前的談善言,舉手投足散發出自信、專業和女人味,卻不知道她背後的辛酸:「當時時間無多,而我學識嘅連一半都未到,嗰刻好想喊,眼淚就滴落嚟。有一刻真係以為要同導演講用替身。」

 

「好多人話我唔適合做演員!」談善言不甘被定型 夥拍影后視后愈演愈強!

但因為當初casting 時跟導演承諾過一句話:「我唔識跳pole dance,但我可以學。」令阿談堅持下去,最後幸得導師額外花時間指導,令她成功過關,最後確實令觀眾眼前一亮。經過今次,阿談對自己又多了一份信心和肯定:「每個角色都令我更確立要走演員這條路。」

 

是死𡃁仔,也是小女人!

「好多人話我唔適合做演員!」談善言不甘被定型 夥拍影后視后愈演愈強!

短髮,中性、高冷,是談善言的代表詞,阿談都話自己好死𡃁仔,好粗魯,平時打扮好隨性,以素色舒服衣著為主,但她也愛被讚有女人味:「依家頭髮長度啱啱好,俾人話多咗女人味,好開心!」

「好多人話我唔適合做演員!」談善言不甘被定型 夥拍影后視后愈演愈強!

而她私下對住另一半也是個小女人:「我係外強中乾,對住佢會變小朋友,想依賴,想被照顧,變得好柔弱。」

 

「好多人話我唔適合做演員!」談善言不甘被定型 夥拍影后視后愈演愈強!

阿談口中的「他」,現空缺中。雖然將近30之齡,她卻不渴望結婚:「中學時跟初戀男友拍了6年拖,當時對我們的將來都好有信心,會好想結婚。到人大了,環境轉變,大家都變得不同,當初對愛情的肯定變得不確定,才發現原來很多事都會變。結婚只係靠一張紙去證明婚姻關係,我唔相信一張紙可以維繫感情,所以冇太大必要結婚。」

 

「好多人話我唔適合做演員!」談善言不甘被定型 夥拍影后視后愈演愈強!

拍過3次拖,對愛情變得理性的阿談如今不太渴望戀愛,選擇被動地等待真愛:「現階段對方想approach 我會好辛苦,佢可能要踢好多下,除非對方好努力令我相信愛情,令我沒有顧累去愛。」

 

既是宅女 也跳跳紮愛刺激!

「好多人話我唔適合做演員!」談善言不甘被定型 夥拍影后視后愈演愈強!

沒有愛情滋潤,阿談不怕做宅女,愛宅在家煮飯、看漫畫;但愛挑戰與死𡃁仔的個性依然不減:「早排去咗學潛水,覺得水底好靜好舒服,要集中精神去感受,之後都想學衝浪!」一時怕悶愛新鮮,一時又愛做宅女,連她自己都話:「好矛盾呀可?」大概這就是真正的談善言。

Credit:

Photos by Keith; IG @tamsyin 
Styling by Sandy; assisted by Yuki Chu
Makeup by Meegan @ Bridal Corner
Hair by Larry Ho @ IL COLPO
Wardrobe from Chloe, Isabel Marant, 3.1 Phillip Lim, House of Holland (net-a-porter)
Shoes from Celine, Sergio Rossi, Malone Souliers
Accessories from APM Monaco

LOAD MORE