一齊參加親子真人騷《爸爸去哪兒》嘅陳小春、應采兒兒子Jasper，以及杜江、霍思燕兒子嗯哼係好好朋友，雖然內地有限B令，禁止再拍親子真人騷，不過fans已經好關心佢哋嘅成長！最近暑假嚟到，嗯哼媽咪就帶佢去香港探Jasper，見兩個萌寶都大個仔唔少，不過仲一齊玩得超開心，網民即時Like爆留言「Jasper同嗯哼真的太可愛了！」「小朋友之間的友誼好珍貴，媽媽們也好懂得幫他們維護。」
登入 瀏覽本網站，可獲取積分換領專屬優惠
點擊查看專屬優惠
一齊參加「爸爸去哪兒」第五季嘅嗯哼同Jasper因為節目結緣，兩個小朋友同兩個家庭都成為好朋友。以前喺節目中，兩個小朋友都係有家教，脾氣好嘅天使寶寶，所以一樣咁受網民歡迎。雖然宜家佢哋都唔會再上節目，但私底下仲成日一齊玩！睇到佢哋相聚嘅短片，網民都感歎小朋友嘅友誼真係特別純潔同美好呀！
嗯哼 Jasper暑假團聚
嗯哼同Jasper一齊拍「爸爸去哪兒」嘅時候已經係好好朋友，雖然宜家兩個小朋友冇得再喺節目中相聚，不過佢哋私底下就成日一齊玩！好似最近霍思燕就帶咗嗯哼去香港見Jasper，一齊去迪士尼玩。兩個小朋友玩得超開心！
喺應采兒開心Share嘅短片中，Jasper嗯哼一相見即時攬頭攬驚超老友！跌咗落地下先肯放手啊。
應采兒又話，每次兩個小朋友一見面，佢哋都要不停問狂問媽咪「我哋邊個年紀比較大啊？」搞到應采兒都唔識點答佢！
超幸福嘅杜江霍思燕一家
幸福嘅家庭都鐘意喺埋一齊玩，杜江同霍思燕呢對係圈中出咗名嘅恩愛夫妻，結婚之前，相比起老公杜江，霍思燕顯然比較有名氣，拍過唔少人氣嘅劇集，為咗生B，霍思燕暫停手頭工作，專心相夫教子。爭氣嘅杜江之後透過電影「紅海行動」走紅，攞獎攞到手軟，佢每次上領獎台都不忘感謝老婆。
杜江話，老婆霍思燕作為女演員，表演生涯本來就比男演員短，要喺事業上如日中天嘅時候急流勇退，轉身做人母，需要好大勇氣，所以佢特別感謝老婆為家庭嘅付出，佢先可以專心搏殺事業。
霍思燕一直非常用心教育囝囝，喺節目上佢嘅育兒方法都令唔少網民大讚。霍思燕同杜江都係非常有耐心嘅人，而且佢哋認為，夫妻關係好，兒子先可以喺充滿愛嘅環境下長大，佢哋兩公婆咁恩愛，嗯哼嘅性格都特別好。
不過其實教育囝囝，不單只係靠媽咪，杜江曾經講過，佢都會好投入到育兒工作中，有時候嗯哼扭計，霍思燕都搞唔掂，佢無論幾忙幾遠，都會飛返屋企解決問題。
嗯哼之前仲話要喺八歲嘅時候娶媽媽，搞到杜江都唔知好嬲定好笑。
爸爸不停接job拍戲揾真銀養家，媽咪就帶住囝囝四圍玩享受假期。今次嗯哼嚟香港，好多人都話佢大個咗好多，越嚟越似爸爸杜江。
愛玩的Jasper一家
Jasper越嚟越大個，因為爸爸陳小春唔想個仔太早進去娛樂圈，想佢專心讀書，所以兩公婆都開始好少share Jasper嘅相同近況，保護Jasper隱私。不過早排香港流感高峰，見學校停課應采兒就有帶Jasper出去玩，仲分享佢哋玩滑梯嘅短片，唔使上堂仲可以去玩，Jasper梗係超級開心啦，真係成家人都咁愛玩。
之前鄭希怡個囡梁浸浸生日，小春一家都有去慶祝，Jasper越嚟越似爸爸個樣。不過見呢一家四口睇落都好和諧，唔知幾時佢哋再追返個囡囡呢？
立即訂閱接收Cosmo最新潮流資訊
訂閱電子報，獲得更多資訊、體驗及禮遇