不經不覺樂壇天后容祖兒入行廿週年，為隆重其事，於8月5號開始舉行18場紅館演唱會慶祝與歌迷同樂。早前祖兒就特別為演唱會宣傳海報飛去東京，非常設合演唱會主題「Pretty Crazy」，Crazy地用24小時努力超額完成。
Senior Content Manager, Features
登入 瀏覽本網站，可獲取積分換領專屬優惠
點擊查看專屬優惠
Pretty Crazy容祖兒演唱會舉行得如火如荼，雖然首場在舞台上遇到很多小問題，但依然無損Joey鬥志，越唱越強！
每一場都有不同特別超賓站台，哪位最令觀眾驚喜？
入行20年，Joey唱過不少經典金曲，首首都充滿80後的回憶，而圈中不年輕歌手都是細細個聽容祖兒歌的，甚至因為偶像而對廣東歌產生濃厚興趣。
有本地實力派女歌手更趁着這股容祖兒演唱會熱潮，在IG大晒童年在演唱會後台合拍的容祖兒舊照，大家能猜到這清純女孩子是誰嗎？
祖兒謂演唱會名字PRETTY CRAZY 是好朋友黃偉文為她定的，「個名真係起得好好，因為呢二十年來無論係工作上、不同經歷上面，一路走來都真係PRETTY CRAZY o既！, PRETTY CRAZY呢兩個字，既可以代表到我地對工作上面的 CRAZY，又可以代表到我地一直努力追求o既優雅，簡簡單單兩個字形容左我呢二十年，Wyman真係勁。」
今次演唱會海報，係搵番祖兒初入行20歲第一次開紅館演唱會合作過的國際知名攝影師Leslie kee 紀嘉良合作，祖兒謂 : 「呢個合作，又係有齊PRETTY CRAZY元素！其實係去年東京睇明哥(黃耀明)演唱會個陣，突然諗起Leslie kee 紀嘉良，就即刻約左佢出來半小時，一個下午茶咁就已經定左係今年一月份影呢輯相。因為大家工作時間關係，我只係用左一日飛去東京，24小時crazy完成呢次海報。影左好似有超過12個鐘咁內，一落機就去影相，影完就上機走。」
「所有衫呀，形像設計，都係Leslie kee 紀嘉良一手包辦，佢細緻到每套衫都要我換埋指甲襯色，真係未試過咁影法。但係完成作品，當然係very pretty啦，影左好多套衫，多到返來香港，剩係揀相都揀左好內，張張都咁好，唔知點揀。最後經過公司所有同事投票，最終好開心揀左我最鐘意個一張用先。之後大家重可能睇到好多唔同款海報。」
另外祖兒又話，「我發覺依家香港人真係一年閒閒地睇十個八個演唱會，所以今次我團隊都會盡最大努力，去制作一個令大家一進場就覺得前所未有，同以往完全唔再o既演唱會。目的係比大家睇到我呢二十年進步囉。究竟會點搞？就係秘密住先，等觀眾入場就會知道點pretty，點crazy ！」
今次是二十週年紀念演唱會，祖兒話諗番起當初二十歲第一次係紅館的感覺真係好crazy，當時佢係唔相信會有人來睇自己演唱會。
「咁二十年後今次，係我第十個紅館演唱會啦，crazy就交比歌迷同觀眾啦，我就負責pretty啦！話就話八月先係演唱會，但係我已經開始準備緊架啦，keep好自己身體啦，準備最佳狀態，唱最好o既歌，跳最正o既舞比大家睇，我希望今次唔好咁瘦，因為累積多年經驗，我發覺做演唱會最緊要係體力同健康，太瘦就冇營養又唔夠抵抗力去戰鬥，所以keep fit 同調理身體係會同步進行，唔會比自己病。」
每次容祖兒開騷都會掀起潮，大家成功搶飛了嗎？
積極籌備個唱的祖兒更推出了新歌，演唱會到時除了經典金曲之外，也有新作送給觀眾。
容祖兒新歌《悲觀生物學》MV找了好友彭秀慧擔任導演。祖兒在MV中可謂演技大爆發，其中一幕忘我喊戲令人刮目相看。
Senior Content Manager, Features
與其隨波逐流，倒不忠於自己！廣告、包裝，不妨一看，但專家口碑、再加親自驗證才是王道。交「學費」沒問題，很想避免再交錯「學費」，只要貴得值，我一樣會乖乖「課金」！
立即訂閱接收Cosmo最新潮流資訊
訂閱電子報，獲得更多資訊、體驗及禮遇