宣萱
宣萱

宣萱1991年就已經加入無綫,曾經拍過無數經典劇集,包括《難兄難弟》、《天地豪情》、《寵物情緣》、《刑事偵緝檔案IV》、《洗冤錄》、《尋秦記》、《流金歲月》、《戇夫成龍》等等。

宣萱

佢喺1999年憑《刑事偵緝檔案IV》中嘅武俏君一角,初嘗視后滋味,仲先後五次勇奪無綫「我最喜愛的電視角色」,絕對係無綫「一姐」。

宣萱

佢喺2012年正式離開無綫,2016年以自由身形式返無綫拍《不懂撒嬌的女人》,飾演女強人凌敏(Mall姐),早前仲憑呢個角色勇奪「TVB馬來西亞星光薈萃頒獎禮2017」嘅「最喜愛TVB女主角」,成為馬來西亞視后,實力不容置疑。

李佳芯

李佳芯自2008年起喺有線電視擔任體育、旅遊、綜藝娛樂主持入行。2012年過檔無綫,喺2014年台慶劇《名門暗戰》裡面飾演狐狸精余詩琳(Ivy),令人印下深刻印象,初露鋒芒。

李佳芯
李佳芯

近年佢受無綫力捧,喺多套劇集擔正,好似《律政強人》同《與諜同謀》,而今年佢仲憑《踩過界》入面飾演嘅喜愛夜蒲女法官王勵凡(Never)而勇奪「星和無綫電視大獎2017」「我最愛TVB女主角」,做新加坡視后,氣勢如虹!不過就唔知點解今次入圍嘅唔係《踩過界》,而係《跨世代》。

李佳芯
李佳芯
李佳芯

李佳芯樣之餘仲甚有氣質,依類型嘅演員喺大台真係唔多,所以佢非常有觀眾緣,好快就上到位,不過佢嘅演技就仲有進步空間,話好到要做視后就好似未夠,但係大台啲頒獎禮係自己嘅遊戲嚟,佢想頒畀邊個就頒畀邊個架喇,依家Ali上緊位又有觀眾緣,頒畀佢都唔會有好大嘅爭議。

李佳芯

李佳芯同大前輩宣萱爭視后可謂越級挑戰!宣萱勝在經驗老到,演技固然係無懈可擊,但係李佳芯勝在青春無敵,加上近日人氣旺盛,絕對有得鬥!馬來西亞視后大戰星加坡視后,唔知佢哋邊一個能夠成為雙料視后呢?

李佳芯
LOAD MORE