news

【娛樂圈姊妹花】堅係孖住上 盤點娛樂圈索爆人氣姊妹

【娛樂圈姊妹花】堅係孖住上 盤點娛樂圈索爆人氣姊妹

娛樂圈近年不少人氣女星都係孖住上,講緊嘅係兩姊妹憑強大基因同埋才華齊齊上位,各自吸引大批粉絲之餘又互撐晒溫情,以下幾對姊妹個個又靚又有觀眾緣,你又鍾意邊個?

by 方文

黃心穎與黃心美

【娛樂圈姊妹花】堅係孖住上 盤點娛樂圈索爆人氣姊妹

講起圈中兩姊妹,不得不提黃心穎同黃心美,「心穎BB」於大台發展順利,大家姐黃心美於ViuTv都愈戰愈勇,兩姊妹更不時孖公仔出席活動吸金,齊齊「圈粉」!

【娛樂圈姊妹花】堅係孖住上 盤點娛樂圈索爆人氣姊妹

「心穎BB」2012年封香港小姐亞軍,樣靚身材正,電力十足,近年連視壇男神馬國明都被「收歸旗下」,成為公仔箱金童玉女!

【娛樂圈姊妹花】堅係孖住上 盤點娛樂圈索爆人氣姊妹

家姐黃心美畢業於英屬哥倫比亞大學,操流利英語、廣東話同國語,初入行曾簽約做歌手,後來卻被派去電視台做娛樂主播,輾轉成為著名主持,擔任大大小小過百活動嘅主持。

【娛樂圈姊妹花】堅係孖住上 盤點娛樂圈索爆人氣姊妹

2015年失婚,但未有要求前夫畀贍養費,全心工作自給自足,近年儲落大批粉絲!

湯洛雯與湯樂瑤

【娛樂圈姊妹花】堅係孖住上 盤點娛樂圈索爆人氣姊妹

港姐出身嘅公仔箱女神湯洛雯近年人氣急升,月前請一家去馬爾代夫旅行密密晒福利照,讀緊大學嘅妹妹湯樂瑤被發現同樣有齊女神Package,有樣有身材又有學歷,成為網民熱話,兩姊妹仲有合作拍埋廣告!

【娛樂圈姊妹花】堅係孖住上 盤點娛樂圈索爆人氣姊妹

湯洛雯選完港姐就密密拍劇拍節目,《愛·回家》嘅「李思思」一角幫佢入晒屋,加埋主持《學是學非》谷盡人氣,甜美笑容與電眼,加埋Fit爆身材為佢收納唔少粉絲,成為電視台力捧新一代小花,佢同羅天宇4年情月前玩完,近期就被爆撻着鄭子邦,堅係勁搶手!

【娛樂圈姊妹花】堅係孖住上 盤點娛樂圈索爆人氣姊妹

湯樂瑤仲未係圈中人就已經勁有人氣,除咗兩姊妹嘅旅行相出晒位,佢自己於社交網大方放送嘅靚相比家姐更加大方同埋火辣辣!而讀緊法律系嘅佢仲係高材生,之前於Ig同粉絲對答就未有拒絕畢業後入行,唔知第時會唔會同家姐姊妹檔?

【娛樂圈姊妹花】堅係孖住上 盤點娛樂圈索爆人氣姊妹

雖然人氣勁強,但湯樂瑤就已經有個拍拖兩年嘅男友,更不時放閃,宅男暫時無望!

倪晨曦與倪晨曄

【娛樂圈姊妹花】堅係孖住上 盤點娛樂圈索爆人氣姊妹

「80後」網絡女神倪晨曦嘅孿生妹妹倪晨曄同樣選美出身,兩姊妹一樣有個靚樣,而家姐入行成人氣女星之際,原來妹妹已經封盤做人妻!兩姊妹不時於社交網晒溫情,笑容一樣勁Sweet!

【娛樂圈姊妹花】堅係孖住上 盤點娛樂圈索爆人氣姊妹

倪晨曦於南京出世,一家早年移民加拿大,喺多倫多參選過當地華裔小姐稱冠,後來於2006年轉戰國際華裔小姐,回港發展成為美容瑜珈達人,多線發展,亦係新一代Ig女神!

【娛樂圈姊妹花】堅係孖住上 盤點娛樂圈索爆人氣姊妹

至於倪晨曄就喺2007年跟家姐步伐參選多倫多華裔小姐,更奪得「魅力傳城大獎」,不過後來未有入行,反而嫁咗人組織家庭,現時於加拿大居住。

【娛樂圈姊妹花】堅係孖住上 盤點娛樂圈索爆人氣姊妹

倪晨曄育有兩個囡囡,不時於社交網晒幸福家庭照!

余香凝與余潔瀅

【娛樂圈姊妹花】堅係孖住上 盤點娛樂圈索爆人氣姊妹

余香凝(Jennifer)與余潔瀅(Zoe)好似餅印一樣,有索樣又有高眺身形嘅佢哋同樣係模特兒出身,Jennifer大Zoe三年,二人不時於社交網Share撞樣相,真係傻傻分不清楚!呀妹仲成日有Warm爆留言晒溫情,姊妹情深!

【娛樂圈姊妹花】堅係孖住上 盤點娛樂圈索爆人氣姊妹

Jennifer前年先憑《骨妹》跑出,雖然情路鬧出偷食風波影響形象,但默默工作收復失地,出演多部票房大收港產片包括《逆流大叔》同《非同凡響》,貼地謝票獲唔少粉絲支持,佢更不時分享運動相,大晒健康性感氣息,粉絲Like爆!

【娛樂圈姊妹花】堅係孖住上 盤點娛樂圈索爆人氣姊妹

佢上年仲踩過界做埋歌手,公開演出時,Zoe都有撐場,場面Sweet!

【娛樂圈姊妹花】堅係孖住上 盤點娛樂圈索爆人氣姊妹

至於Zoe就於公仔箱發光發熱,今年於新一輯《美女廚房》做「美女學徒」,制服Look青春又養眼,後來更贏埋美女學徒廚神嘅榮譽,堅「入得廚房,出得廳堂」,輕易突圍而出,而佢平日亦好大方於社交網晒粉絲福利照,人氣強勁!

LOAD MORE