無綫處境劇《愛．回家之開心速遞》屢度添食，多個角色成為熱話，演員個個人氣急升！不過近年相繼有受歡迎角色離開，「博士」、「Mandy」同「傻強」等一個個出走，唔少觀眾都大呻唔捨得，仲話影響追看性，到底呢班「消失的角色」去哪兒？佢地又有冇機會可以好似「細龍太」般回歸呢？
登入 瀏覽本網站，可獲取積分換領專屬優惠
點擊查看專屬優惠
《愛．回家之開心速遞》可以算係大台近年最有話題性嘅處境劇，大小角色一個個彈起！僅次「大小姐」及「熊尚善」，陳偉琪所飾演的「細龍太」都算是劇中霸氣女強人的佼佼者，觀眾對她可說是又愛又恨。
早前劇情曾交代「細龍太」撇下老公龍力士（鄭世豪飾）到美國散心，劇迷一度擔心她會步「博士」、「Mandy」及「傻強」等人氣角色後塵一去不返。
原來陳偉琪只是向劇組請假，短暫停工到外國參加《世界表演藝術錦標賽》，最後不負眾望凱旋而歸！
「細龍太」一角越來越受歡迎，戲份亦越來越多，雖然陳偉琪早前短暫離開《愛．回家》，但幸好人氣不減，觀眾對她每次演出依然充滿期待。
以下《愛．回家次開心速遞》的失蹤角色又能否像 「細龍太」有得回歸呢？
「博士」與「Mandy」
雖然已經唔見咗一排，不過講起《愛．回家》，大部分觀眾都唔會唔記得「博士」馬貫東，佢一開場就係「熊家」重要成員之一，同「根叔」劉丹情同父子，仲同「熊若水」有曖昧感情線，後來同「大小姐」得力助手「Mandy」拍拖謝芷倫，成為人氣CP！
不過佢兩個今年年初就先後「離家」，「Mandy」於劇中被奸人所害坐監，出獄後就移居英國讀法律。
「博士」亦為陪女友而到當地工作，告別「根叔」一場戲勁感人！
二人離「家」之後原來再有合作機會，一同參演速劇《致所有愛過的人》。而謝芷倫上個月宣布改名謝㺭圻，更有份出演另一套新劇《大醬園》，相信粉絲仲有好多機會可以於公仔箱見列佢！
「傻強」
除咗人氣CP，由「金城安」、「朱凌凌」、「艾頓壯」同「傻強」組成嘅「安凌強壯」都係劇中焦點，「傻強」馮奕森更憑戇直搞笑形象殺出血路，仲同「熊尚善」有母子戀戲碼，相當出位，不過佢就於今年年頭突然被Out，令觀眾勁震驚！
事源劇情突然講到「傻強」去西伯利亞留學，甚至無好好同其他角色道別，網民一度叫大台「還我傻強！」
後來傳出馮奕森因參與FOX劇集《心冤》而被硬Cut兼雪藏，佢上早前終於開腔澄清，話自己身體唔好，又表示即將參演公司新劇《網絡騙案》，「回唔回家」就要等公司安排！
「欣欣」
雖然唔係主要角色，但「欣欣」邵珮詩於《愛．回家》都好搶眼，飾演斯文乖女OL嘅佢成日被人恰，最後角色於劇中辭職，正式離開劇組，引起唔少粉絲有關注，仲有人傳佢因為於大台50週年節目巡禮打扮太性感而被雪藏！
不過邵珮詩其後都有澄清，表示無線有其他劇組搵佢開工，自己亦想「外闖」，最後就決定離開《愛．回家》，但到近年僅見佢主持《港生活·港享受》同拍過《意外現場》，參加吓綜藝節目咁，作品唔算多。
「龍璟風」
《愛．回家》呢輯一開播就有顧紀筠繼子陳浚霆成為主要演員演「龍璟風」（風少），靈魂出竅嘅佢被當成鬼寄居於「熊家」，戲份都唔少，不過後來因為合約問題，佢成為全劇最早離開嘅演員。
劇情就交代佢靈魂返到肉身兼出國留學，走人不留痕！
而陳浚霆後來亦有解畫，表示因為已經同大台完約而離巢，仲打算北上發展，近年就同江美儀簽埋同一個經理人，密密接Job！至於佢雖然離開咗劇組，但同《愛．回家》眾人仍然Friend爆，不時出席聚會！
立即訂閱接收Cosmo最新潮流資訊
訂閱電子報，獲得更多資訊、體驗及禮遇