雞年開大運,各大手袋品牌盡推紅色手袋!

By COSMO

話咁快2017嘅新曆農曆新年都過咗喇,相信各位嘅雞年願望,都係繼續努力工作,然後可以買更多更多嘅名牌手袋!除咗傳聞中着紅色底底增運外,雞年亦不妨用個紅色手袋沖喜一下,就算唔係着到成身紅噹噹,一樣可以喜氣洋洋、大增人緣運!

着到成身紅噹噹,好易令人覺得似利是封。唔想咁誇張,可以考慮孭個紅色手袋。2017年時尚圈亦刮起一陣「紅色風潮」,各大品牌都有推出紅色手袋(好多仲係經典款!)。無論你係 Prada 嘅忠實 fans,定係非 Chanel 唔買,又或者對潮牌Paula Cademartori 情有獨鍾,都唔難搵到鐘意嘅雞年手袋,令你又紅又靚。

Fendi

呢隻 Fendi 嘅經典Peekaboo 手袋以光滑嘅紅色皮革打造,除咗一向優良嘅皮質外,仲有彩色釘飾做點綴,可以預意好運氣之餘,時尚感十足。

Loewe $23,400

Prada $16,750

Paula Cademartori THEOUTNET.com £573

Paula Cademartori 呢個新晉手袋品牌,成立之初就受到時尚達人嘅鍾愛。好玩又耐看嘅顏色同埋圖案係佢嘅賣點之一。呢隻迷你單肩手袋紅色作底,綴有編織圖案同彩色鎖鏈,鮮艷搶眼得嚟又唔會太老套誇張,好啱禮拜六日出街用。

Giorgio Aramni $15,000

Armani手袋唔係人人都可以駕馭得到,呢隻「Scarlet 紅」嘅Le Sac 就更加令人望而止步。但如果想喺雞年搞搞新意,就不妨考慮一下呢款手袋。佢雖然望落去好霸氣,其實只要搭配得當,例如襯黑/灰色低調嘅裙或者套裝,反而顯得高貴大方。

Marc Jacobs $4,390

如果唔鍾意大紅色,亦可以揀紫紅調嘅手袋,「大紅大紫」一樣咁好意頭,為你成個雞年都帶嚟連連好運!

Kate Spade $2,400

輕奢手袋品牌Kate Spade 就推出咗呢隻粉紫相間嘅Hallie Tote Bag(又係經典手袋之一)。方便實用嘅同時絕對可以吸引到唔少眼球。

Céline

紅色、粉紅色都將係2017春夏大熱顏色,鼓勵大家快快「入手」一隻呢兩個色系嘅手袋

MCM $5,200

Chanel $4,800

Jimmy Choo

LOAD MORE