幸福背後!後母唔易做

by 何渾

徐若瑄 
卧床接近5個月,捱左最少300支安胎針,好唔容易先可以順利誕下小v寶。自從當媽媽之後,徐若瑄習慣將生活上嘅點滴同大家分享,但估唔到會因為咁而惹来網民指責,

徐若瑄 
話佢係一個只顧自己親生仔嘅後母,好在Vivian嘅神级回應一出,大家都明白哂佢嘅原委,無非係尊重及保護两位繼女。其實而依家咩年代呀,未必每個灰姑娘背後都有個惡毒後母嘅。

<<閱讀更多>>童顏不老!10大防腐女星

李玟 
李玟同老公Bruce拍拖8年,結婚5年,十多年黎相處,CoCo陪住兩名繼女Rachel同Sarah成長,而家2人都已經亭亭玉立。

李玟 
加上CoCo本身亦鬼妹仔性格,所以佢哋之間基本上就好似朋友咁相處。前排大女Rachel 21歲生日,CoCo百忙之中抽空為佢搞個Surprise Birthday Party。

李玟 
細女Sarah連Facebook頭像都用上一家人合照,就知佢地感情有幾好。上星期母親節,兩個囡仲送咗扎花俾CoCo做禮物㖭。

李心㓗
早於拍拖階段,李心潔已經代彭順照顧佢同前妻所生嘅囡囡,令彭順可以無後顧之憂喺事業上搏殺,據知及後彭順甚至安排欣欣赴馬來西亞定居,跟心潔及其家人生活,從小開始一齊相處,心潔視欣欣如己出,2010年佢同彭順正式結婚,婚禮上一家三口合照超warm。剛過去嘅母親節,佗住孖B嘅心潔更於微博上載與繼女嘅合照,仲話欣欣同李媽媽都係佢生命中最重要嘅女性,因為一個讓佢感受最偉大嘅母愛,而另一個就激發佢潛在嘅母愛,盡顯溫馨!

<<閱讀更多>>女人SURVIVAL KIT! 6招處理爛玩男出軌

范姜素貞
自1997年,范姜就同鍾鎮濤相戀,適逢當年B哥哥經歷破產、失婚,而范姜就一直默默守護係男方身邊,當時先20幾歲嘅范姜除咗阿B嘅助手之外,更幫佢照顧一對年幼嘅子女。

范姜素貞
及後范姜為B哥哥先後生咗兩個囡囡,17年來一直以女朋友身份守護住呢個家庭。至前年2人終於拉埋天窗,雖然而家B仔同B女已經長大成人,但佢地一家六囗仍然有不少家庭聚會,佢地對兩個同父異母嘅妹妹亦非常疼錫。

莫文蔚
莫文蔚同老公Johannes2011年結婚至今,不時都會傳出懷孕嘅消息,不過其實一切都係美麗的誤會。有指Karen根本無意生BB,因為佢視3名繼子繼女如己出,有佢地已經好滿足。而Karen同樣唔多post家庭活動出黎同大家分享,畢竟佢地都係圈外人,無謂硬要將佢地拉到鎂光燈下。

<<閱讀更多>>放眼世界 莫文蔚

LOAD MORE