中環A La Bakery平歎法國麵包！

喺貴價都未必買到質素嘅今日，由資深電視製作人蔡和平開設、位於中環嘅A La Bakery竟然有平價高質嘅法國麵包！

 

用上法國原材料製造、由法國空運麵糰到港焗製，100%無基因改造兼無防腐劑，但賣緊嘅招牌牛角包竟然只係$13個，食埋，牛角包非常鬆軟兼富牛油香，你真係會覺得抵到你唔信！

 

而最令小編念念不忘嘅係呢度嘅蘋果批，當日喉嚨痛嘅小編本想淺嘗，但最後忍唔住食晒！一入口好酥香，蘋果蓉嘅部分更加係令人驚喜，因為好細滑之餘，唔會好甜兼零肉桂味，真係講起都想食！

 

另一推介係朱古力泡芙，平時食甜到漏，係甜到食唔到朱古力味，但呢個朱古力味香濃，朱古力嘅質感仲好似雪糕咁，最重要係甜度低，自己食一條都得！

此外，呢度嘅macaroon都好特別，共有三種，當中小編最愛嘅係頂級馬卡龍，呢啲macaroon最大特色係甜度低兼比平時嘅細一啲，咁就唔使怕漏，可以一次過試多幾款味！而小編嘅心水推介係玫瑰同朱古力味啊！

 

A La Bakery地址 : 中環干諾道中68號華懋廣場第二期地舖

電話 : 2121 1118