feature

2019農曆新年🐷深圳好去處必去四大打卡展覽

2019農曆新年🐷深圳好去處必去四大打卡展覽

好多香港人都喜歡外遊,但是你估個個旅行就個個都想走就走咩,不過深圳近近地就真係可以話走就走,而且仲越開越多唔同主題嘅café景點,所以近年真係越嚟越多人返深圳休息一下兼去熱門景點打下卡,除左美食同網紅cafe之外,展覽都係熱門打卡熱點之一,新一年就等我地為大家盤點新年必去展覽啦!

by 貝兒

Minions迷必去「神偷奶爸大視界」展覽

2019農曆新年🐷深圳好去處必去四大打卡展覽

相信大家對於Minions呢隻黃色生物一啲都唔會陌生,今次唔洗去大阪咁遠,去深圳就可以同小小兵Minions互動一下。今次Minions係全球首次將電影入面嘅場景立體呈現,整個展覽佔地4,000平方米,俾大家慢慢同Minions玩餐飽!

2019農曆新年🐷深圳好去處必去四大打卡展覽

不得不提嘅一定係首次曝光Gru嘅實驗室原貌,亦即係Minions嘅基地,想了解多點黃色小人每日工作嘅地方係點嘅粉絲千祈唔可以錯過!

 

2019農曆新年🐷深圳好去處必去四大打卡展覽

仲有另一亮點必定係Minions最愛嘅超巨型黃色「香蕉池」,相信大人同小朋友都會為佢瘋狂,係展覽其中一個必到嘅打卡位。

《神偷奶爸大視界》

展覽日期:即日起至3月8日

開放時間:10:00 – 22:00

地點:深圳市歡樂海岸·OCT創展中心 (深圳市南山區白石路東8號)

門票:單人票 ¥ 128(平日)、¥ 158(周末)、學生/兒童票 ¥ 88、家庭套票(兩大一小) ¥ 328

文青系列《我的世界都是你─幾米創作20週年原畫展》

2019農曆新年🐷深圳好去處必去四大打卡展覽

20年來人氣不減繪本作家幾米同誠品合作首次舉行跨地聯展,展出過百件經典原畫,從《向左走‧向右走》、《月亮忘記了》、《地下鐵》、《星空》都將在展覽裡完整呈現,相信對幾米迷必定係充滿青春回憶的畫面。展覽仲有最新出版嘅繪本原稿、油畫以及首度亮相嘅8件彩色銅雕作品,令人非常期特!特意前往嘅朋友仲可以順便行下新開嘅深圳誠品書店呢!

2019農曆新年🐷深圳好去處必去四大打卡展覽

▲首度公開展出的幾米油畫「發亮的早晨」

2019農曆新年🐷深圳好去處必去四大打卡展覽

《我的世界都是你-幾米創作20週年原畫展》

日期:即日起至2月24日

開放時間:星期日至四 10:00—22:00、星期五、六 10:00—22:30

地點:萬象天地NL133、NL150號誠品生活4樓展演廳

門票:免費入場

朝聖之選「Hello, my name is Paul Smith」世界巡迴展覽

2019農曆新年🐷深圳好去處必去四大打卡展覽

英國設計鬼才Paul Smith世界巡迴展覽走訪英國、比利時、日本、台灣、上海、北京之後,最後同時亦係佔地最大嘅一站登陸深圳開啟粉紅色新篇章,成為潮人必選打卡之地!整個展覽佔地逾2萬呎,共13個展覽區域,包括Paul Smith的藝術牆、彩色鈕扣牆、Paul Smith跨界合作區等,展出超過2,000件作品。展覽更還原了Paul Smith首間店及工作室原貌,無論喜不喜歡時尚都必定可以感受到Paul Smith獨有的設計風格,色彩班斕的展區給人帶來好心情之餘,相機必定也是大豐收呢!

2019農曆新年🐷深圳好去處必去四大打卡展覽

▲以超過5萬粒鈕扣砌成高達3米闊6米嘅鈕扣牆也是打卡熱點之一

2019農曆新年🐷深圳好去處必去四大打卡展覽

《Hello, My name is Paul Smith》

展覽日期:即日至4月15日(2月1日-2月10日閉館)

開放時間:11:00-21:00(20:30 停止入場)

地點:中國華潤大廈藝術中心美術館(中國華潤大廈B1層)

門票:(平日)單人票 ¥ 90、雙人套票 ¥ 160;(周末)單人票 ¥ 120、雙人套票 ¥ 200

繼Team Lab後2019最值得期待展覽 「每當星辰變幻時」

2019農曆新年🐷深圳好去處必去四大打卡展覽

上年大熱一時嘅「Team Lab」展覽吸引咗不少閨蜜同情侶們前往打卡,所有社交平台頓時充斥住唔少朝聖打卡相。而講到今年2019最Hit就一定係呢個被各大知名媒體評為「2019最值得期待的展覽」嘅大型科技藝術展「每當星辰變幻時」。整個展覽主要用最新科技技術建構起10個不同嘅場景,體驗者從「知覺之門」進入,通過無相之象、流、夜光叢林、浮游生物、你眼中的永恆、流動的城市、宇宙之瞳以及覓象等場景,最後穿過「深空」返回現實世界。展覽佔地過萬呎,仲利用新媒體光電互動投術帶到俾大家全新感官體驗,加上利用錯落嘅空間,令作品與作品之間建構如迷宮一樣嘅樂園,絕對令體驗者穿梭係科技與藝術次間,仲可以影到唔少靚相添!小編大推「夜光叢林」,這是為體驗者打造了一個光怪陸離的森林,萬物皆有靈,體驗者只要輕觸身邊唔同嘅花草,佢地便會互相呼應綻放不同驚喜的顏色,仿似置身於潘多拉星球,奇異嘅色彩影相非常特別。

2019農曆新年🐷深圳好去處必去四大打卡展覽

其中於全球首次展出的展區「無相之象」突破性將全將全鏡面空間與像素化燈光結合 ,打造沉浸式炫幻五感體驗,打破對時空的傳統認知,展現多維空間無盡的可能性。展會更為了保持最佳體驗效果,每次只限最多20位體驗者進入展區,確保每位觀眾都可360度感受整個作品。成個場景超有Feel,影相一流!

2019農曆新年🐷深圳好去處必去四大打卡展覽

《流》係全球首個融合了感光系統和點控系統的藝術作品。展覽會向每位入場體驗者派發的發光手環都有獨位個體感知能力,可以係作品上透過觸踫發光「水滴」泛起光影波紋,當唔同嘅人觸踫「水滴」便會形成七彩漣漪,非常有趣。

《每當星辰變幻時》

展覽時間:即日起至3月10日

展覽地點:深圳市南山區華僑城創意園香山村6棟燕晗高地二層

門票:單人票¥108(平日)¥128(假期)

兒童/學生票:¥88

LOAD MORE