散水餅不止講賣相!辭職派散水餅7大學問!

散水餅不止講賣相!辭職派散水餅7大學問!

踏入社會工作愈久,食散水餅次數也愈多,輪到自己辭職,派散水餅也更得心應手。你可有發現,預備散水餅,不止是講究哪間餅店較賣相精緻好食,還需注意以下7個準備及派送技巧!小小一件散水餅,背後蘊含大大學問呢!

by Fanny Ngan

1. 留意同事的散水餅喜好及食量

散水餅不止講賣相!辭職派散水餅7大學問!

▲Aesthetics HK 度身訂造曲奇

喺一間公司做得耐,自然食過唔少同事嘅離職散水餅。根據經驗,你對大家的喜好及胃口都會略知一二,例如男同事唔太喜歡食芝士蛋糕、女同事又食唔晒大大件cupcake...掌握好同事喜好及份量,選擇合適的散水餅,自然會派清光!

2. 自己煩惱散水餅選擇 不如投其所好

散水餅不止講賣相!辭職派散水餅7大學問!

▲Phoenix Sweets 散水餅 

怕被同事嫌棄散水餅太cheap,但每份散水餅價值多少才叫有體面?其實間間公司文化不同,同事準則都有不同。現今送散水餅都唔算什麼神秘事,跟同事熟稔的話,不妨坦白問對方想食咩散水餅,做個「市場調查」,再投其所好,直接了當。

3. 兩手準備最重要!

散水餅不止講賣相!辭職派散水餅7大學問!

▲Mini Bon Bon Cake 獨立包裝散水餅

Last day未必個個同事都喺公司,尤其Sales部門同事會失晒蹤。如果你份散水餅係非獨立包裝的cupcake、芝士蛋糕等,建議多準備一些獨立包裝、可放在他們位置的散水餅,例如曲奇、咖啡禮券等,以表心意。

 

4. 因應公司雪櫃盛載量預備散水餅

散水餅不止講賣相!辭職派散水餅7大學問!

▲Beans x 謝曬皮散水餅12件裝

試過有同事在夏天辭職,送雪糕當散水餅,但一早買幾十杯返嚟,才發現公司雪櫃根本唔夠位擺,結果晨早流流派雪糕做早餐,安排失當!汲取教訓,揀散水餅時記得留心種類及份量,雪櫃是否有足夠空間存放,以便安排送貨時間。

5. 度身訂造散水餅 份量宜多不宜少

▲The Sweet Petite 度身訂製散水餅

較有心思的同事會選擇度身訂製散水餅,在餅上寫上同事名稱,打卡歡送一流。如果你打算用呢招的話,宜準備多啲同款無刻名的散水餅,以便不時之需,算漏了其中一兩位同事也不至於要送截然不同的禮物咁尷尬。

6. 把握派散水餅時間

散水餅不止講賣相!辭職派散水餅7大學問!

臨近收工時間,是派散水餅的黃金機會,時間訂在下午5時左右為佳!一來last day下午時分大多完成交接,二來大家都消化好午餐那份量,開始有胃口食你份散水餅。而且臨近收工,氣氛比較緩和輕鬆,一邊歡送、一邊影相、一邊食餅,老細都唔會多口。派送時間最好在收工前完成,以免錯過向準時下班的同事作最後道謝。所以派散水餅時間可按公司同事人數而調節。

7. 派餅順序有先後之分

散水餅不止講賣相!辭職派散水餅7大學問!

散水餅時,先由自己部門派起,且先派老細,再派同級同事。其餘可按座位劃分及部門之相熟程度派發。有些部門雖然合作不多,但都要做足禮貌派埋一份,例如聘請你的HR經理、reception同事、茶水間姐姐等,禮多人不怪。

 

LOAD MORE