feature

獨居、同居不如共居!單身女共居有乜好?

獨居、同居不如共居!單身女共居有乜好?

人大了想搬出來住,考慮獨居但又怕生活落悶;想同姊妹或男友同居,對方未必有同樣想法。既然獨居和同居都不太可行,不如考慮「共居」?共居,指與陌生人共同居住,但依然有屬於自己的小天地,且租金平啲又有機會識異性,最重要係滿足你獨立生活的需求!


共居生活有以下5大好處,有意租樓的單身男女不妨一試,可能會發掘更多好處!

共居好處1 :學會斷捨離

獨居、同居不如共居!單身女共居有乜好?

▲香港共居選擇 Campus Hong Kong

共居空間雖大,屬於自己的私人空間卻小,分分鐘只有一個床位,或一個書桌、衣櫃。選擇共居,就要學會斷捨離,只將日活必需品帶在身邊,也要捨棄不少衣服、擺設。從斷捨離中,也會令你學懂節儉美德,漸漸你會發現,家裡根本不需要太多無謂用品。

 

共居好處2 :同樣有私人空間!

獨居、同居不如共居!單身女共居有乜好?

▲香港共居選擇 書匯

香港嘅共居選擇愈來愈多,經濟能力稍高的可以租住單人房,就算想同伴侶或閨蜜一齊住亦可揀雙人房,一齊同居加共居亦得。即睇「低至HK$3500租住Co-living共居宿舍!」有齊港九新三處共居空間推介,尋找屬於你的小天地!

共居好處3 :月光族最愛!

獨居、同居不如共居!單身女共居有乜好?

租樓一般都要簽生死約,至少綁你一年,仲要交按金,如果遇著鄰居係麻煩友,或者你有突發事要搬走,按金真係凍過水。共居彈性較大,有啲可以逐日計,有啲簽三個月約,費用已包冷氣、wifi、管理費及公共空間費用,一口價更抵住,啱晒月光族!

 

共居好處4:擴闊朋友圈

獨居、同居不如共居!單身女共居有乜好?

▲香港共居選擇 書匯

人大了愈難交知心好友,職場上同事是競爭對手,出去吃喝玩樂的是酒肉朋友。共居跟租樓不同,你會跟一班五湖四海的朋友共同生活,圈子、成長背景、年齡都不一樣,大家選擇共居模式意味大家都喜歡交流,也面對同一問題:獨立、生活。有了共同話題,你們更快熟稔,不但在生活上可互相幫助,也有機會在工作上提供意見,擴闊人脈,甚至遇上啱傾對象談戀愛。

 

共居好處5:招呼朋友更方便

獨居、同居不如共居!單身女共居有乜好?

▲香港共居選擇 Mojo Nomad

今時今日喺香港租樓,萬零蚊只得三四百呎,單位狹小,想請朋友上嚟食飯都未必得。共居空間有common area和pantry,形式跟大學宿舍無異,雖不至於能開party或打麻將,但要舒服招呼朋友絕對唔成問題。

 

LOAD MORE