feature

【香港cafe推介】KOL打卡必去高質咖啡店!銅鑼灣、尖沙咀cafe推介

【香港cafe推介】KOL打卡必去高質咖啡店!銅鑼灣、尖沙咀cafe推介

周末假期嘅活動又點止得行街睇戲食飯咁簡單,不如同朋友仔搵間靚靚cafe飲下嘢影下相過一個悠閒嘅下晝!唔知有咩可以影靚相打卡的香港cafe?唔緊要!可以跟KOL捐窿捐罅搵本地高質咖啡店,立即出發去尖沙咀及銅鑼灣找尋特色cafe!


1. Zi梔子

想搵打卡咖啡店又點止得銅鑼灣呢啲鬧市區先有?尖沙咀一樣有!Samantha 帶我哋嚟到呢間位於尖沙咀山林道嘅cafe,鋪頭嗰塊落地大玻璃就正正係打卡嘅熱點。扮溫書、扮做嘢、扮飲咖啡、就算係扮眺望風景,影出嚟嘅相都一樣咁靚!

除咗影相靚,食物嘢飲都好緊要!梔子嘅蛋糕同咖啡都十分精緻好味,所以下次經過,記住入去試吓啦!

 

地址:尖沙咀山林道8號地舖

電話:27781628

2. Strokes HK

粉紅色少女心爆發嘅牆配上鮮藍色嘅迷你梳化,加埋後面嘅金色拱門,簡直係少女心爆發!千祈唔好以為呢啲咁fancy嘅coffee shop得外國先有,原來香港都有!

Strokes HK其實唔單止係一間cafe,佢集合酒吧餐廳Cafe同迷你哥爾夫球場於一身!所以絕對係Happy Hour同Weekend嘅好去處!

地址:銅鑼灣Fashion Walk 京士頓街9號1樓G2-3號舖

電話:28771800

3. HOW

蔣家旻影出女神光呢間cafe位就係於觀塘工商業區嘅HOW!HOW就同之前嘅兩間cafe嘅風格有啲唔同,咖啡店走工業風,設計乾淨利落,簡單得嚟唔會太過沉悶,會有少少無印良品嘅感覺!

除咗咖啡、蛋糕同一啲輕食之外,其實鋪頭都有售日本優質家具,小擺設同文具,如果真係睇中嘅即時買返屋企都得呀!

 

地址:觀塘觀塘巧明街99號巧明工廠大廈3樓AB座

電話:28051708

4. Winstons Coffee

Fafa嘅呢間cafe係位於西營盤嘅Winston Coffee,位置十分方便,基本上一出地鐵站就會見到。

Winston Coffee其實除咗店內裝修別緻同嘢食好味之外,店外嘅裝修其實都超級靚,同埋係打卡嘅熱點!呢個仿美式劇院嘅設計懷舊味十足之餘,仲相當吸睛!

 

地址:西環西營盤皇后大道西213號地下4號

電話:25595078

5. Coffee & Laundry

Jessica 影相呢間有咁多架洗衣機嘅舖頭,其實佢又真係一間洗衣舖嚟嘅,不過佢集合洗衣店同咖啡店於一身,等客人等衫嘅同時,可以叫杯咖啡食件cake嘆吓!

左邊既就係coffee shop嘅位置,而右邊係比客人洗衣。Coffee shop除咗打卡一流,咖啡同包點都相當高質!如果下次想去睇下點樣將洗衣同咖啡放埋一齊,不妨過去上環睇下呀!

 

地址:上環皇后街1號地下F號舖

LOAD MORE