feature

2018萬聖節Look 扮乜好?回顧明星親子打扮攞靈感

2018萬聖節Look 扮乜好?回顧明星親子打扮攞靈感

平日外表正正經經,骨子裡卻喜歡扮鬼扮馬,又點可以放過萬聖節呢個歡樂節日?未諗到今年萬聖節扮咩角色,一於重溫去年娛樂圈一家大細嘅得意造型,星B們嘅萬聖節Look得意又有喜感,唔知今年會唔會更搶鏡呢?

by Grace Luk

1. 鄭希怡Yumiko的「士多啤梨」梁浸浸

鄭希怡Yumiko的「士多啤梨」梁浸浸

▲左:Yumiko與女兒梁浸浸2016年萬聖節打扮;右:梁浸浸2017年萬聖節打扮

嘩!鄭希怡Yumiko嘅囡囡梁浸浸呢個造型夠唒特別,簡直打破已往小朋友一定要扮南瓜嘅常態,以一粒士多啤梨Look陪媽咪出席萬聖節party,今年梁浸浸頭上面仲插多咗一把刀添,真係又可愛又驚嚇!

梁浸浸2016年萬聖節打扮

▲梁浸浸2016年萬聖節打扮

其實梁浸浸呢套士多啤梨戰衣已經出動過兩次架喇!原來前年,Yumiko都係帶住呢粒「可愛嘅士多啤梨」去玩,就連Yumiko都話:「估唔到仲啱著」。估計梁浸浸今年應該著唔落件「士多啤梨」衫掛,唔知今年會唔會有新造型呢?

2.官恩娜Ella 與小吸血鬼仔仔BéBé G,仲有肚裡面的「南瓜」?

官恩娜Ella 與小吸血鬼仔仔BéBé G,仲有肚裡面的「南瓜」?

▲Ella與仔仔BéBé G 2017年萬聖節打扮

跟住睇下Ella同Ella嘅仔仔BéBé G!

Ella仔仔BéBé G 2017年萬聖節打扮

▲Ella仔仔BéBé G 2017年萬聖節打扮

BéBé G化身成迷你吸血鬼,圖中懵懵的BéBé G配合這一身打扮,唔恐怖之餘仲好可愛同型仔添!

當時大肚嘅Ella 著咗一件南瓜t-shirt,仲講話肚裡面嘅:「 IT’S A PUMPKIN!」。Ella 竟然諗到用呢個方法,同未出世的囡囡一齊參加萬聖節party,好有創意呀!

▲Ella 與仔仔BéBé G和囡囡BéBé A

▲Ella 與仔仔BéBé G和囡囡BéBé A

今年Ella嘅囡囡BéBé A 出咗世啦,唔知Ella會將囡囡扮成點呢?

 

3.香港名模周汶錡Kathy的兩個可愛小混血Jacques與Avner

香港名模周汶錡Kathy的兩個可愛小混血Jacques與Avner

▲Kathy兩個兒子2017年萬聖節打扮

 

Kathy大仔Jacques 2017年萬聖節打扮

▲Kathy大仔Jacques 2017年萬聖節打扮

同樣是扮吸血鬼的,仲有Kathy的大仔Jacques!表情多多的Jacques,扮起吸血鬼嚟好鬼馬呀!

 

Kathy細仔Avner 2017年萬聖節打扮

▲Kathy細仔Avner 2017年萬聖節打扮

至於細佬Avner就借咗哥哥嘅吸血鬼斗篷,加咗頂橙色蜘蛛網精靈帽,個造型好趣緻呀!

 

▲Kathy兩個兒子2017年萬聖節打扮

▲Kathy兩個兒子2017年萬聖節打扮

哥哥Jacques就扮帥帥的西方吸血鬼,而細佬Avner就扮成打散白色頭髮的中國殭屍。造型又中式又西式咁,不愧Kathy諗得出!唔知兩兄弟今年又有咩新造型呢?

4. 2012年港姐冠軍張名雅一家

▲張名雅與仔仔Mario2017年萬聖節打扮

▲張名雅與仔仔Mario2017年萬聖節打扮

 張名雅的仔仔Mario,萬聖節竟然唔扮Super Mario嘅角色,而扮成一隻肥嘟嘟的小魔怪!

張名雅一家2017年萬聖節打扮

▲張名雅一家2017年萬聖節打扮

雖然張名雅同老公只戴上一頂趣怪的南瓜帽,無太花巧嘅造型,但一抱著Mario,萬聖節氣氛即刻返哂嚟!唔知2018年,張名雅一家又會有咩新搞作呢?

5.「神奇女俠」楊千嬅,「卡通國王」丁子高和「綠巨人兒子」Torres

▲楊千嬅、丁子高一家2017年參加萬聖節派對。

▲楊千嬅、丁子高一家2017年參加萬聖節派對。

好盛大的萬聖節派對呀!唔知你隔住個mon又揾唔揾到楊千嬅同丁子高一家三口呢?

 

楊千嬅、丁子高一家三口的的萬聖節打扮

▲楊千嬅、丁子高一家三口的的萬聖節打扮

沒錯!就是「神奇女俠」楊千嬅,「卡通國王」丁子高和「綠巨人兒子」Torres 。

除了兩夫婦扮得開心,相信最開心的應該是能跟仔仔Torres玩埋一份,享受親子時光!感覺他們一家都很認真打扮,Torres直頭連面都油綠埋添!

 

 

6.廚師楊愛瑾Miki與龍蝦仔仔

Miki楊愛瑾與仔仔2017年萬聖節打扮

▲Miki楊愛瑾與仔仔2017年萬聖節打扮

萬聖節造型唔一定要嚇人嘅!睇楊愛瑾一身廚師look,抱住扮成龍蝦嘅大眼萌B仔仔Luken。呢個親子配搭創意爆登之餘仲好盞鬼添~如果兩母子咁樣著出街,回頭率一定超高!所以呢個造型,小編俾100分!唔知今年兩母子又會扮咩呢?

7.白雪公主小S跟三個女兒

小S跟三個女兒 2017年萬聖節打扮

▲小S跟三個女兒 2017年萬聖節打扮

雖然小S一家不是扮演同一個系列的角色,小S扮成白雪公主、大女化身恐怖的安娜貝爾、二女扮演卡羅林、細女則是可愛的粉紅貓咪,但看起卻很順眼!不知道今年他們一家又會以咩造型示人呢?

8.范范、黑人 范瑋琪一家

范范、黑人 范瑋琪一家

▲范范、黑人一家2017年萬聖節打扮

去年小S的萬聖節party還請來范瑋琪和黑人陳建州作客!

范瑋琪兒子們2017年萬聖節打扮

▲范瑋琪兒子們2017年萬聖節打扮

范范同黑人嘅雙胞胎兒子River同 Rayn,正正經經扮消防員,可愛萌樣超爆趣。

 

范瑋琪一家2017年萬聖節打扮

▲范瑋琪一家2017年萬聖節打扮

除咗正經look,范范一家仲一齊畫咗個花面貓!

回顧完2017年 明星們同仔囡嘅搞鬼造型,唔知家揾到今年嘅萬聖節扮嘢靈感未呢?

LOAD MORE