迪士尼萬聖節有咩玩？Halloween之王《怪誕城之夜》粉絲必去！
每到大時大節，去主題樂園盡興一番，都係例牌項目！臨近萬聖節，香港迪士尼樂園已經搶先公開，本年度Halloween鉅獻—-以經典卡通《怪誕城之夜》的多個角色、場景，為大家帶來「驚」喜！另外，迪士尼多位經典壞人角色更「騎劫」了這個盛會，勢要大家笑住入去，驚住咁走！以下萬聖節限定，必玩、必買、必食的「驚喜」玩意，你又準備試多少樣？
想知道今年Disney Halloween有咩玩？即睇Cosmo編輯為你推介，五大必玩、必買、必影場景！
迪士尼Halloween必玩 #怪誕城之旅
位於園內Adventureland，怪誕城之旅重要了南瓜王Jack的王國，並找來了他的朋友莎莉（Sally）、梵谷斯坦博士（Doctor Finklestein）及狗狗零零（Zero），跟大家進行一場萬聖節歷險！最叫人驚喜的，莫過於今年加入的惡巫先生（Oogie Boogie），他在怪誕城之旅扮演甚麼角色？就由你去發掘了！
怪誕城之旅INFO
出沒地點：冒險世界 展藝館
迪士尼Halloween必睇 #迪士尼惡人大出巡3.0
叫得3.0，當然同往年不同！一改過往以Jack做主角的晚間巡遊，今年找來大量壞人助陣，《小飛俠》的鐵勾船長、《愛麗絲夢遊仙境》的紅心皇后、《鐘樓駝俠》的克洛德、《怪誕城之夜》惡巫先生、Jack以及《101斑點狗》的庫伊拉，率先現身，拉開序幕！
其後，一眾打扮更華麗的壞人，如《白雪公主》的Evil Queen、《小魚仙》的Ursula及《阿拉丁》的賈方，則化身亮眼奪目的花車，由一眾同樣精心打扮的嘍囉陪同，在美國小鎮大街跟大家過一晚「地獄之夜」！
迪士尼惡人大出巡3.0 INFO
出沒地點：美國小鎮大街
現身時間：每日19:00或20:00
迪士尼Halloween必影 #惡人下「凡」meet & greet
去得迪士尼，其中一個重要環節當然係同一眾角色合照！除了換上全新萬聖節服飾的米奇、米妮外，最新人氣角色，他們的定情信物Duffy與朋友Shellie May、Gelatoni、Stella Lou及Cookie，將一同換上新裝，跟大家見面！
另外，除了Jack、Sally及Oogie Boogie，將於美國小鎮大街的小鎮會客室跟大家跟見面外，一眾惡人也會現身幻想世界，近距離施展惡咒！想逃過一劫，就千萬別無視他們，selfie合照破咒吧！
不過，萬聖節限定美食之中，最叫人期待的一定是皇室宴會廳的「自製阿Jack曲奇工作坊」，這款二人套餐除了精選主菜外，更有限定workshop，教大家在曲奇餅上畫上今年萬聖節主角，阿Jack的樣子，有得玩又有得食！
自製阿Jack曲奇工作坊 INFO
出沒地點：幻想世界 皇室宴會廳
現身時間：星期一至四 17:30至19:00
迪士尼Halloween必買 #萬聖節主題精品
既然今年係《怪誕城之夜》廿五週年，阿Jack及一眾朋友的精品，當然是一眾fans的搶購目標！當中25週年紀念版阿Jack主題原子筆，以「小棺材」裝住阿Jack造型的原子筆，精美又實用！不過，你又捨得用嗎？
如果阿Jack精品已經好多，小編推介的「Duffy與好友系列」及「Tsum Tsum系列」，就一定驚超滿分！事關今次係Duffy新朋友Cookie，首次以Halloween造型現身！
而萬聖節版的Tsum Tsum，不只加入惡人系列，米奇、米妮、唐老鴨、大鼻和鋼牙，五款公仔仲可以反轉！變成南瓜、骷髏等詭異又得意的造型！儲了多個Tsum Tsum的你，又點可以錯過？
香港迪士尼樂園Disney Halloween Time由即日起至10月31日都有得玩！而家入場仲可以有「雙重節日優惠」！成人只需港幣$669，就可以玩足萬聖節及聖誕節兩場啦！
