1997年，《Yes!》首辦一人一票嘅「全港校花校草選舉」，唔少校花校草一舉成名，簽約娛樂公司，踏上星途，可以話喺晉身娛樂圈嘅好機會。當中有唔少熟悉嘅面孔，一齊睇下有邊啲女明星曾當選過《YES!》校花！
登入 瀏覽本網站，可獲取積分換領專屬優惠
點擊查看專屬優惠
1. 鄧麗欣
鄧麗欣2000年參加嘅校花選舉，當時嘅佢一臉清純，仲攞埋冠軍，被唱片公司發掘，加入cookies樂團，晉身娛樂圈，係成功嘅例子啊！
1. 鄧麗欣
而家嘅鄧麗欣多咗幾分成熟女人味，一樣咁靚！
早前仲憑住電影《空手道》攞咗香港電影評論大獎嘅最佳女演員，進軍電影圈都有唔錯嘅成績。
2. 王敏奕
曾就讀嘉諾撒聖心書院嘅王敏奕傳聞亦有參加過《Yes!》校花選舉。當時妝容打扮亦緊貼潮流，挑染頭髮多幾分叛逆少女感。
後來佢就於這也年參演麥曦茵導演嘅《烈日當空》而入行，再拍攝港台劇集，最為令人印象深刻嘅有於《女人俱樂部》中扮演少女版李麗珍。
而家就青春可人，令人羨慕！
3. 江嘉敏
名校女神江嘉敏當年參選校花選舉，最後都落選，但就無阻佢要入娛樂圈嘅心，而身為宅男女神，佢喺聖心讀初中時，原來已考得鋼琴演奏級，認真多材多藝。
而家係無線力捧小花之一，前排同視帝王浩信拍新劇《兄弟》，一眾電視迷都好期待佢嘅演出。
4. 馬賽
香港小姐季軍嘅馬賽亦曾是《YES!》校花！當年就讀香港浸會大學、只有19歲，樣子標緻。
而家佢就主要留喺內地工作，少有回港。早前就與陳浩民一同拍攝內地劇《新六指琴魔》。
5. 蔚雨芯
身材好fit、被譽為「翻版周秀娜」嘅蔚雨芯當年參選《YES!》校花時也是一臉青澀，臉上嬰兒肥還沒消。
蔚雨芯喺18歲嘅亦推出過自己首張大碟《Raining》，2011年更報名參加香港小姐。蔚雨芯如今就努力發展歌唱事業，可惜成績平平。
立即訂閱接收Cosmo最新潮流資訊
訂閱電子報，時刻掌握生活資訊！