婚宴小插曲 Aka穿白裙犯禁被網民鬧!林奕匡與老婆Rikko甜蜜曬愛:令你成為無憂無憂、最開心快樂的林太

唱作歌手林奕匡(Phil)於去年8月29日與拍拖10年、前TVB財經主播及體育主持李靄璣(Rikko)結婚。註冊於加拿大溫哥華Phil的母校UBC大學校園內一所過百年歷史的古宅舉行,非常浪漫。美中不足的是,有些摯親未能出席,所以Phil決定於今年3月6日求婚一周年的日子,在香港補擺喜酒,筵開20席,與親友及圈中好友分享喜悅。

By COSMO

婚宴小插曲 Aka穿白裙犯禁被網民鬧

婚宴小插曲 Aka穿白裙犯禁被網民鬧

不少圈中、樂壇朋友到場祝賀一對新人,不過當中就有小插曲喇,女子組合Super Girls成員趙慧珊(Aka)悉心打扮以白色喱士裙出席,點知惹來網民大力抨擊,指她穿白色裙、一身白色衫犯了出席婚禮的服裝禁忌,女賓客應避開白色衫以免和新娘子搶風頭,甚至有人留言:「唔講都唔知邊個係新娘!」

事後Aka立即發文致歉:「對不起,真的不知道參加婚宴穿白色會令人有所誤會,已致電Rikko說不好意思,幸好對方也沒在意,亦叫我不用放上心,但作為公眾人物,下次到別人婚禮會再多留意衣着。」下次真係小心啲喇!

1.跟足傳統 斟茶畀長輩 感動到眼濕濕

Phil與Rikko秉承傳統,向長輩斟茶。由於到加拿大路途遙遠,上年Phil的公公未能飛到當地參加婚禮,所以二人特地給他斟茶,正式答謝其養育之恩,非常有孝心。感性的Phil看到公公臉上的燦爛笑容,令他回想起很多往事,感動到眼濕濕。

2.鄧佩儀第一次做伴娘 陪姐妹出嫁

Phil找來Tim@Dear Jane、馮允謙、Robbin & Kendy擔任兄弟團,而Rikko則找到鄧佩儀、張名雅、黃美棋及圈外好友做姐妹。
鄧佩儀同Rikko原來係閨蜜,鄧佩儀人生第一次做伴娘,仲話要好好咁紀錄呢一日。結婚咁開心的事,當然唔止伴娘post上社交網絡。新郎哥Phil都有上載化妝set頭相,心情興奮。有份做姊妹團的張名雅就上載一張中式茶具嘅相,同埋靚靚姐妹裙,好喜慶呀!

3.過五關斬六將 一開始就Long D

愛妻號林奕匡以soulmate形容Rikko,十年戀愛路,過五關斬六將,愛得不容易。2004年Phil參加DJ訓練班時認識Rikko,第一印象覺得這個女孩好叻、好自信,而自己中文不好又薯,後來交換了MSN,愈來愈好傾,2007年開始拍拖。
拍拖不久,Rikko決定回流香港做主播,與大學還沒畢業的Phil進行遠距離戀愛。到後期Phil回港做歌手,身邊不少朋友都話「你男友入娛樂圈,佢唔紅你又死,佢紅你又死」。情路挑戰重重。

4.感激太太不離不棄 陪伴走過人生低潮:我唔可以辜負佢

Rikko回港後,加入TVB並獲得主持《體育世界》以及財經節目的機會,前途大好,反觀Phil當時未簽唱片公司,銀行戶口曾一度得返雙位數,加上當時有不少才俊追求Rikko,Phil覺得女友大可以騎牛搵馬,但Rikko一直默默支持Phil,甚至退出幕前,轉做寫字樓工,工時長之餘,著得靚少少,又被人閒言閒語,受過不少苦頭。

Phil見Rikko為他犧牲那麼多,而自己歌唱事業處於不進不退的狀態,好低落,但Rikko一句說話,令Phil感動一生:「如果下張專輯都唔成功,我哋可以一齊返加拿大重新開始,我可以同你一齊捱!」呢番話,令Phil放低壓力,爆出《高山低谷》一曲,人氣爆燈。Phil一直感激這個女仔對自己咁好,唔可以辜負佢,唯有盡好男友責任,做新人時都表明自己有女朋友,出街拍拖從來都不會避忌。

5.100分老公

Phil愛錫Rikko,將最好給最好。之前老婆整親,Phil立即放下手頭工作,陪老婆睇醫生。又例如辛苦的家務工作,洗廁所、刷浴缸、廚房清潔等,Phil都會自動自覺負責。每逢大時大節,二人都會收到眾多品牌禮物,屋企執極都係咁亂,Phil許下承諾,目標係要賺多啲錢,換間大屋,可以讓老婆擺放所有物品!好sweet呀!

6.老婆是最好的

在Phil人生最低潮時,沒錢返加拿大探屋企人。細心的Rikko知道Phil思鄉愁重,而Phil又成日話爸爸煮的麻婆豆腐係全世界最好吃的,於是Rikko請求Phil爸教她,這樣就可以在香港煮給Phil吃。咁有愛,Phil都超感動,更大讚老婆廚藝,全香港,Rikko所煮的麻婆豆腐比任何餐廳都煮得好味!

LOAD MORE