feature

2018港姐20強IG揭秘 憑生活照揀出你的心水大熱佳麗!

2018港姐20強IG揭秘 憑生活照揀出你的心水大熱佳麗!

2018港姐20強經已順利誕生,並鐵定於8月26日舉行競選。鏡頭前每位佳麗都被塑造得大方得體,但網民最關心的其實係鏡頭背後眾人的個人特質。立即為大家送上各佳麗的IG,從眾人的生活照中更能睇出她們的性格與真面目,助你挑選心水大熱佳麗!


陳曉華 Hera Chan 23歲 護理系畢業生

陳曉華

Hera挾狄易達前女友之名成功引起大家關注,但佢本人都係靚女一名,IG粉絲已經近17,000名!Hera畢業至香港中文大學護理系,高材生一名,亦有接model job行過婚紗show,平日不時分享戶外靚相,充滿陽光氣息。

陳曉華 Hera Chan 23歲 護理系畢業生

Hera毫不吝嗇身材,經常分享海灘泳衣照,自信十足,更加有粉絲幫手開設官方IG報道最新動態,睇嚟以後加入娛樂圈機會甚大!

陳曉華IG: @herachann

何泳芍 Honey 24歲 潛水教練

Honey年紀少少,從小曬得一身健康膚色,IG貼滿游水靚相,仲自稱「美人魚」,好有自信!佢喺水中優美泳姿,非常吸引眼球,IG粉絲即將破8,000,相信臨近港姐競選,會愈來愈受關注!

何泳芍
何泳芍

成功入選為20強嘅Honey喺IG分享參選原因,係想令黑皮膚女生唔再自卑:「從小就曬黑嘅我,由自卑和討厭自己,慢慢變得懂得欣賞自己,變得相信自己是獨特的。而我希望今次參選第一可以改變到一些人對黑皮膚嘅想法,第二係希望有年紀輕嘅女孩睇到我之後,唔會再驚因爲曬黑咗而俾人笑,覺得自己好似做錯咗野咁。黑不是罪,我希望所有女孩都記住,唔好因為別人對你的評價而放棄你中意做嘅野,自信和快樂的你才是最美的你。」

何泳芍IG: @honeyho_mermaid

工藤佑采 Yutori 25歲 學生

中日混血兒Yutori,爸爸為日本人,媽媽是香港人,但父母已經離世。她於廣州主修工商管理系,做過名媛陳君宜助手,今次都係由佢提名參選港姐。官方參選照片睇落好成熟,但睇返IG其實好後生,只係執相都有啲重手。

工藤佑采
工藤佑采

Yutori 行性感路線,私下打扮尺度頗大!除此之外都係吃貨一名,經常post美食照,難怪陳君宜都嫌佢略肥,有keep fit需要,睇嚟呢個月要加把勁! 

工藤佑采IG: @Yutorikudo

丁子田 Sara 24歲 藥劑顧問

美國回流香港的丁子田,畢業於美國密歇根大學,現時單身的Sara話因為唔想Long D而同拍拖5年的男友和平分手。丁子田由張堅庭提名,成功入圍。

丁子田
丁子田

Sara的IG有好多回流前的生活照,生活多姿多采,更有一家人合照,關係融洽,媽媽保養得非法好,儼如兩姊妹一樣!佢最新帖文話:「Another year, another city with new challenges up ahead. 」相信是指參選港姐為佢帶來新挑戰!

丁子田IG: @stingalingg

李芷晴 Stephanie 25歲 視覺藝術導師

Stephanie畢業於中大視覺藝術系, 曾為港鐵製作桌上遊戲培養小學生搭車的好習慣,將所學應用。官方相顯示成熟老積一面,原來平時嘅佢並非行氣質女路線!

李芷晴

▲TVB為李芷晴打扮的造型,掩蓋了少女味,多了份成熟感。

睇叔Stephanie IG相打扮年輕,同時下年輕女生無分別,走文青系style,無乜追求名牌,相片予人nature 感覺,好有少女心。佢嘅人際關係都好好,經常貼有跟大班朋友的合照,平易近人,希望佢呢顆純真嘅心可以keep落去!

李芷晴 IG: @step_bystep

鄧卓殷 Amber 23歲 實習建築師

港大建築系畢業的鄧卓殷 Amber,樣子甜美,不時裝可愛,絕對秒殺少男心!佢美脫與智慧並重,曾奪得亞洲權威雜誌Perspective年度設計頒獎盛事A&D TROPHY AWARD,係佢首個設計獎項!

鄧卓殷

▲鏡頭前的鄧卓殷依然上鏡,笑得很甜,難怪也是大熱人選。

除咗學業成績出眾,Amber熱愛舞蹈,IG有唔少讀書時期的演出,青春迫人!不過佢嘅IG幾日前先開始出帖,睇嚟有意為港姐之路重新出發,專登post一啲正面相片吸fans!

鄧卓殷IG: @amber.tcy

陳苑澄 Nata 23歲 學生

前As One成員Nata,解散後決心參選港姐,希望借此機會晉身幕前繼續唱歌跳舞。前成員Chloe及陳嘉茵知道佢入選後都有同佢慶祝,Nata亦表示港姐訓練經已開始!佢非常用心經營IG,粉絲數目接近3萬大關,睇嚟早出道真係有優勢!

陳苑澄IG: @taniachanyc

Nata
Nata

▲Nata對慣鏡頭,呢啲呃like pose又點會難倒佢?

楊釩 Krystal 20歲 學生

Krystal 係貴州人,今年20歲,嚟香港讀大學,主修金融分析。IG相唔算多,以自拍為主,但妝感極濃且filter太勁,有陣娘味,睇嚟嚟緊要努力改善化妝及拍照技巧。

楊釩IG: @krystalll_yanggg

楊釩
楊釩

▲楊釩可能用太多美圖秀秀,相片效果有點失真。

童銘欣 Christy 23歲 分析員

Christy 的IG有700多個post,未知係咪太多私生活照唔方便公開,早已設定為私密,但網上已出現官方粉絲帳號,發佈佢嘅最新消息,繼續同網友互動!不過睇嚟未有太多人知,暫時粉絲人數未過百。

童銘欣IG: @christytung_officialfanclub

莊嘉慧 Kathy 26歲 珠寶設計師

Kathy 平日都愛自拍,IG亦有好多旅行相及食物照片,相信都係一名識食之人。個人簡介稱自己熱愛籃球、是位foodie,佢亦貼有為客人訂製的珠寶設計。

莊嘉慧IG: @chongkawai

高育英 Kelly 23歲 學生

Kelly於台灣出生,澳洲長大,現居香港。運動型女生一名,玩滑板、跳舞、做yoga、行山等全部都係Kelly的興趣。

高育英

▲All back運動look夠晒青春!

高育英

▲高育英有拍戲經驗!

原來Kelly家底唔錯,獲得從事魚翅、鮑魚進出口的父母出錢資助,於台灣以高凱莉之名出過首張EP【說愛我】,又擔任台節目「綜藝大熱門」嘉賓,幕前經驗豐富。20歲時佢接受台灣傳媒訪問稱自己太年輕唔適合拍拖,單身20年,未知現年23歲的她有無拍拖呢?

高育英IG: @Misskellyyk

梁致欣 Jenny 24歲 藥劑碩士學生

Jenny原來曾參選2016澳洲華裔小姐競選(悉尼)並得到季軍殊榮以及活力小姐,有選美經驗,絕對有優勢!但 Jenny的IG未有以往生活照,只有數張近日刻意上傳的照片,希望日後會有更多update啦。

梁致欣IG: @Jennypalette

蘭依婷 Grace 23歲 形象顧問

蘭依婷年紀輕輕,係一名形象顧問,IG帖文唔多,但就貼有一張為人擔任styling的工作照,並寫道:「做自己喜歡的事,從来都不覺得累。」

蘭依婷IG: @596986204grace

黃子桐 Rachel 23歲 客戶服務經理

Rachel去年於港大畢業,現為客戶服務經理。對比2014年的IG生活照,短短4年間Rachel的化妝技巧進步不少,以前雙眉不太對稱,依家已經化得自然好多,笑容亦好甜美。

黃子桐IG: @rachelw603

黃子桐

▲2016年黃子桐的妝容帶點娘味。

鞏姿希 Krystal 25歲 碩士畢業生

Krystal喺IG出post話,吸引佢參選的原因是今年大會口號“Be the best. Beat the rest” ,希望可以挑戰自我,衝破不安和恐懼,呈現最好的自己。

鞏姿希
鞏姿希

身高176cm的Krystal擺pose好叻,表情多多,IG上絕大部分的生活照甚有model影子,佢似乎對日文同韓文好有研究,部分生活照以呢兩種語言作caption,看來有一定語言天份。

鞏姿希IG: @its.krystl

其餘的5位全陳靜堯 (Claudia)、黎智 (Linsy)、鄧美欣 (Venus)、杜愛恩 、李明慧 (Samantha)則未有IG。

LOAD MORE