feature

星途不可靠?這些港姐當選後繼續進修!

星途不可靠?這些港姐當選後繼續進修!

10個參選港姐,9個都發明星夢,但唔係個個港姐都有機會突圍而出,星途燦爛。以下幾位港姐,同樣美貌與智慧並重,但唔甘心被娛樂圈綁死,繼續進修,尋找新出路!


岑杏賢:理大諮商與輔導文學碩士

岑杏賢Jennifer同朱千雪為同屆港姐,奪最上鏡小姐、最佳首飾演繹大獎及時尚目光獎,但加入TVB後演出機會唔算多,即使有份參與《愛.回家》及《不懂撒嬌的女人》,但係做閒角,星途平平。

星途不可靠?這些港姐當選後繼續進修!

其實岑杏賢參選港姐時已經係心理學學士,一直有意從事心理治療工作。即使加入娛樂圈後,不忘進修,攻讀理大諮商與輔導文學碩士課程,並於2014年畢業,依家除咗平時接job,仲喺職道生涯規劃輔導協會擔任輔導員,又在Big Big Channel開台《心理急救室》,同閨蜜朱千雪拍住上,將自己所學應用!

星途不可靠?這些港姐當選後繼續進修!

朱千雪:中大傳播學院碩士、香港城市大學攻讀法律博士

朱千雪於2012年參選港姐獲民選季軍,但一直係網民心中大熱,被封「千雪BB」。多年來千雪BB參與過唔少綜藝節目做嘉賓,電視劇10隻手指數得晒,係2016年《EU超時任務》唯一一次擔正做女主角並得「最受歡迎劇集搭檔」獎項,以及在2017年大熱劇集《踩過界》中客串戴天恩一角,得到《星和無綫電視大獎2017》「我最愛TVB電視女角色」。

星途不可靠?這些港姐當選後繼續進修!

不過千雪BB醉心學業,近年先後報讀中大傳播學院碩士,依家又喺城大攻讀法律博士,極有可能向法律界進發!佢曾經表示兩個課程學費加埋要幾十萬,都係靠出show接job幫補學費,可見佢志不在娛樂圈。當千雪BB畢業之際,唔知大家仲有無機會喺熒光幕見到佢呢?

星途不可靠?這些港姐當選後繼續進修!

徐子珊:港大心理學碩士

2004年參選港姐並獲冠軍寶座的徐子珊,早期備受力捧,得到電影、電視演出機會。徐子珊出道短短2年就被提名參選《萬千星輝頒獎典禮》多個獎項,短短3年就奪「飛躍進步女藝員」,之後再獲「我最喜愛電視女角色」,但於2015年約滿後選擇離巢。

離開TVB後,子珊攻讀珠寶設計,創立網上自家品牌珠寶;依家又喺港大就讀心理學碩士,事業、學業同步進行,生活都幾有計劃。

星途不可靠?這些港姐當選後繼續進修!

朱凱婷:中大企業傳訊社會科學碩士

朱凱婷為2001年港姐季軍,又奪國際親善小姐。有別以上港姐,佢嘅強項係口才好,操流利中英文,仲識日文㖭!所以佢主力喺TVB做主持,曾參與《創富坊》、《東張西望》、奧運特備節目及其他大型節目等。

單靠TVB,梗係無機會突圍。Heidi知道自己優勢,繼續進修,取得中大企業傳訊社會科學碩士學位,再不停接job做主持,好受大品牌歡迎,憑藉港姐名氣加上自身努力,腳踏實地靠口搵食,叻女!

星途不可靠?這些港姐當選後繼續進修!

張嘉兒:中大公共衞生碩士

有「豬扒港姐」之稱的張嘉兒,奪得2007年港姐冠軍,可能唔受觀眾討好,演藝事業唔太成功,即使參加過近20套劇集,都無機會做主角或配角,角色超易被遺忘。

星途不可靠?這些港姐當選後繼續進修!

2017年起,張嘉兒由TVB經理人合約轉為基本藝人合約,演出機會幾乎近零。好彩佢有修讀中大公共衞生碩士,又有照顧囡囡Leora的經驗,於Facebook設立專頁做媽媽KOL,仲得到唔少親子品牌垂青,令佢殺出新血路!

 

LOAD MORE