方以因事事謹慎,做人做到咁可能係為勢所迫,因為佢要孭起爸爸個招牌,又唔可以衰畀媽媽睇,邊個面對呢個處境都勁大壓力。次人格Pina同方以因完全相反,性格豪邁奔放,想做就做,仲叫方以因做死八婆,明顯就係方以因抑壓嘅情緒嚟。

無乜存在感嘅愁擘擘,其實對另外兩個人格好重要,因為方以因同埋Pina都唔會表露軟弱無能嘅一面,愁擘擘就起咗疏導負面情緒嘅作用。

標準極高嘅方以因視呢兩個分裂出嚟嘅人格係佢嘅人生污點。但我就覺得Pina、愁擘擘、方以因三個加埋先係最好喇。

如果唔係方以因都唔會分裂出呢兩個完整嘅人格出嚟,去解決生活上自己面對唔到嘅問題。喺群居社會生活當中,要識得做吓戲去應付唔同嘅環境同人,有時同人格分裂都有啲似。對住下屬你可能會變做方以因。對住好朋友同閏蜜可能會變咗Pina去玩到癲。得返一個人嘅時候變咗做愁擘擘,匿埋出盡力去傷心,釋放負能量。

但係如果要我三擇一嘅話,我會揀做Pina,自己做自己嘢先係人生當中最正嘅事,不過前提係要對自己做嘅嘢負責任。無時無刻都做到方以因咁嚴謹,真係太辛苦,亦都畀太大壓力周圍嘅人。至於愁擘擘,一直失控咁傷心又依賴其他人,害死自己又連累身邊嘅人,無謂啦。你呢,又會點揀?

為了突顯方以因三個人格的反差,黃智雯演繹上特別誇張。未知係咪位位觀眾都buy呢?

三》劇前年拍畢後,原定安排在去年周一至周五黃金時段播出,可惜劇集兩度被抽起,同時劇中女主角患上多重人格症,又被指抄襲韓劇《愛上哪個我》,怎料播出後反應不錯!

早前傳黃智雯同男友詹文天今年結婚,不過日前就有報道話,黃智雯想以事業為重,將婚期延遲,還搬離愛巢,看來黃智雯為事業搏到盡。

LOAD MORE