feature

香港男團鬥智鬥力真人Show!《MIRROR GO》無底線挑戰成員極限

香港男團鬥智鬥力真人Show!《MIRROR GO》無底線挑戰成員極限

MIRROR出道之後人氣高企,除咗推出《一秒間》同《ASAP》兩首單曲之外,仲會舉行演唱會。見到大家反應咁熱烈,ViuTV決定食住個勢上,推出全新真人節目《Good Night Show MIRROR GO》,誓要幫12個仔仔刷爆暴光率!


香港男團鬥智鬥力真人Show!《MIRROR GO》無底線挑戰成員極限

《Good Night Show MIRROR GO》係一個香港男團真人SHOW,話明係《MIRROR GO》,主角當然係MIRROR!MIRROR成員-楊樂文 (Lokman)、王智德 (Alton)、江熚生 (Anson Kong)、盧瀚霆 (Anson Lo)、呂爵安 (Edan)、陳瑞輝 (Frankie)、陳卓賢 (Ian)、柳應廷 (Jer)將會喺節目內到訪世界各地發掘當地特色美食同名勝,期間會接受唔同考智力考膽量嘅任務,務求挑戰成員底線同極限!而打響頭炮嘅係去!澳!門!

 

香港男團鬥智鬥力真人Show!《MIRROR GO》無底線挑戰成員極限

第一集開始已經超有睇頭,節目製作組提出朝早5點call time出發坐船去澳門,call得咁早其實預咗一定有人遲到。

 

香港男團鬥智鬥力真人Show!《MIRROR GO》無底線挑戰成員極限

然後不出所料成員Edan遲到要接受大懲罰:需要全日穿着BB裝遊覽澳門!但點知係一個累全家,所以同組組員Anson Kong、Ian同Frankie雖然準時到達,但都被逼換上BB裝遊澳門!

 

香港男團鬥智鬥力真人Show!《MIRROR GO》無底線挑戰成員極限

去到大三巴MIRROR成員就要接受一連串嘅任務,而任務嘅內容可以話係無底線,例如搵一對情侶然後搭著女方肩膊對望十秒、搶去遊客嘅葡撻食咗一啖然後俾返佢食,同攞住戒指同陌生女仔求婚等等......考急才之餘更加考膽量,唔知MIRROR成員做唔做到呢?

香港男團鬥智鬥力真人Show!《MIRROR GO》無底線挑戰成員極限

點知返到酒店之後原來挑戰仲未完,各成員要喺酒店入面搵出預先被收埋嘅卡牌,然後再用自己搵到嘅卡牌投票俾其他人,最終獲得最少卡牌嘅4個成員冇得瞓酒店要瞓露營帳幕!!! 

香港男團鬥智鬥力真人Show!《MIRROR GO》無底線挑戰成員極限

為咗有得瞓酒店,大家無所不用其極!唔知到最後大家會用咩手段同技巧說服其他人投票俾自己呢?

香港男團鬥智鬥力真人Show!《MIRROR GO》無底線挑戰成員極限

去到第二集,節目組愈玩愈癲!首先係用各種痴線方法叫醒MIRROR成員,好似喺廁所播女鬼聲、兜頭潑冷水、爆波波等等......

香港男團鬥智鬥力真人Show!《MIRROR GO》無底線挑戰成員極限

去到叫醒姜濤,大家決定玩大佢,隊友決定用綿被包住佢,然後合力將佢搬到酒店走廊中間遺棄,被綿被「喑」鼻嘅姜濤只能大聲呼救!

香港男團鬥智鬥力真人Show!《MIRROR GO》無底線挑戰成員極限

被瘋狂方法叫醒完之後,MIRROR就要去接受挑戰!去到第二集嘅挑戰係笨!豬!跳!

香港男團鬥智鬥力真人Show!《MIRROR GO》無底線挑戰成員極限

除咗挑戰膽量,大會仲決定挑戰埋各位嘅眼力!當成員一躍而下嘅時候要從一班衣著一模一樣嘅人入面認出隊友嘅位置。聽到都覺得難,唔知呢個不可能任務又能唔能夠完成呢?

節目資料

節目名稱:《安信兄弟為你呈獻:Good Night Show MIRROR GO》

播出時間:逢星期一晚上9時45分播放

圖片來源:ViuTV授權轉載

LOAD MORE