森美專欄：要有男朋友 其實好簡單

所以你要有男朋友好簡單，千祈唔好捉錯用神！唔好以為要氹男人開心，其實只要自己開心就夠。睇到呢度可能你會心裡大叫：「呢個世界邊有咁筍呀？」但就係咁筍！你嘅存在就係要開心，就算男人只係戇居居坐喺度，你都要因為佢好文靜而表現開心；佢成日去街唔理你，你又要因為佢俾好多自由度你而開心；佢顧住打機唔沖涼，你就因為佢唔拘謹而開心；甚至佢係花花公子，你都因為呢刻佢選擇同你一齊而表現出開心，如果你做到，我敢擔保任何男人都會死喺你手上！

而家你見唔見到自己嘅前路幾咁幸福？由今日開始，唔好再為咗氹男人開心而活下去，女人應該為咗自己嘅開心而等男人嚟追你

<<了解更多男人心態>>森美專欄：男人最希望女朋友職業係乜？
 

作者Profile:

DJ、金牌司儀、棟篤笑講者、製作公司老闆、專欄作家，他不放過任何渠道，誓要透過不同身份、不同平台發揮源源創意。