image with no details

男友上網識女仔

Miss Sex
16 Jul 2014

Dear Miss Sex,

Miss Sex你好,我一直都有留意你寫嘅文章,覺得你解答得好,所以想麻煩你幫幫我解答一下我嘅煩惱。
我同男朋友一齊咗兩年,同居一年。初初拍拖嗰時會成日親熱,同普通情侶無分別,而我嘅第一次都俾咗佢。

我係一個性格比較open嘅人,所以如果男朋友想要,我都會俾佢。
但係由大約一年前開始,我哋已經開始分房瞓,上一次親熱已經係大半年前。即使無咗親熱,我同男朋友依舊會好sweet,佢亦都對我好好同好錫我。

男朋友會間唔中講下dirty talks,例如話「我想同你上床」,但係永遠得個講字。我有試過著性感睡衣,甚至唔著衫淨係蓋住張棉被,但係男朋友都係一啲反應都無。

近排,我發現佢上網識女仔,會同啲啱啱識嘅女仔交換聯絡資料同約出街。我唔明白佢上網識女仔嘅心態係咩。
為sex?佢岀聲嘅話我一定會俾佢。
唔再愛我?佢依舊對我好好,仲好照顧我。
所以我真係唔明白。
有時我會胡思亂想,係咪我唔夠吸引力?係咪我滿足唔到佢,搞到佢要「外求」?

請Miss Sex幫幫我,因為我已經為呢個問題喊咗好耐。

Maggie

Dear Mischievous Maggie,

曾經有個男人同Miss Sex打比喻,解釋男人心思思想偷食的心態,他說:「雖然最鍾意食住家飯,但成日食,都想間中出街食。」

所以男人明明可以從另一半獲得sex,但還是心癢癢(俗啲講句就係下面痕)周圍撩女仔,輕則過吓口癮便算,重則身體出軌。

這與女友的吸引力未必有必然關係,索女如娜姐都曾遇上男友有小三的悲劇,十個男人十個想偷食,關鍵在乎男人有無自制能力,同埋佢敵唔敵得過內疚感。

同居一年,已有大半年無做,的確是個問題。你有跟他提出,你們兩人應該多做一點,或直接說「我想做」嗎?

如果表明了,還是反應不大,假設你有勇氣面對現實,就只能跟他攤牌,問他點解要識其他女仔?你唔鍾意咁樣,佢可唔可以尊重一下你的感受?大家有無機會認真改善性生活?

你係佢女友,你有權妒忌,有權訂立自己的底線。他有可能醒悟自己的過分,重新配合你,亦有可能給你一個你不想知道的答案。最重要是,你ready面對嗎?

面對男人的心野,不同女人有不同的生存方針。有女人寧願乜都唔知,有些隻眼開隻眼閉,有些選擇極權監控,有些約法三章,有些則相當決絕,非黑即白。

喊都無用,一切視乎你想守住怎樣的定位。

Best Wishes,
Miss Sex

**如果你有任何關於Sex嘅問題,都歡迎email到editorial@cosmogirl.com.hk (subject: Miss Sex),等Miss Sex為你解答。

ADVERTISEMENT
CONTINUE READING BELOW
Share on: