如何面對世界flirt已婚男？

有個Case想你給點意見：我公司有個靚仔已婚男同事，鍾意四圍flirt女同事。起初我認為他是世界flirt。但慢慢連我一位女同事都發覺他是特別鍾意flirt我，我就是那種個子小小，常懷笑容，善解人意，男人好想保護我，跟我訴心事的類型。起初我覺得喺公司長時間工作，又沉悶，大家又有common interest，無咩所謂。

 

大概一個月前的公司飯，我坐在他隔離，他飲咗幾杯，就跟我講結婚係佢所犯最大的錯誤。跟太太生活有問題，暗示對我有好感，想「要」我之類。我對佢講的所有嘢，都無俾意見扮聽唔到。前幾天公司annual dinner，我刻意不坐他隔離，點知臨走前我碰巧站在他身邊，佢竟然借醉用手攬我一下想錫我一啖。好彩我反應快，避開咗，佢嘴咗空氣 。不過我都嚇一嚇，如果真係俾佢嘴咗，都唔知俾咩反應。事情點收科？？？

 

在未發生強吻事件前，我着實心動的，亦有想過他日若果他離婚，會否選擇我之類……但是發生強吻事件後，起初我都會幫他想藉口：他是貪玩，太鐘意我控制唔到自己等等……但係他是一名鹹濕佬的感覺已刻在我心，雖然我不排除他真的有一點喜歡我。現在他仍會keep住同我講好多嘢，調戲我。我有咩可以做來保護自己？其實我已對他避忌咗，對世界flirt有咩handle方法？

 

經驗豐富的你，有咩意見？佢其實在想甚麼？

 

Your 小讀者

 

Hey小讀者: 
 

你的個案實是太typical的已婚心野男的case！也猜不到，這麼粵語長片式的藉口，今日還有男人用來把妹！！事情好簡單，如果他真的喜歡你，就應該懂得尊重你，借醉抽水也太扯了吧。再者，他是世界flirt，而特別向你埋手，會唔會係你畀人的感覺特別好蝦？還有，你是否也要負一點責任，明知他四圍flirt，你還給他反應？還理睬他？

After all，他究竟想點其實不重要，最重要是，你想點？如果佢真的向你表白，說愛你，你會否接受和他展開戀情？你希望和一個有這種性格和行為的男人談戀愛嗎？

要記住，不管世界末日是否快要來臨，身為Smart City Girl，都不應該將時間花在無謂人身上，你的善解人意和笑容，應該用在值得的事和懂得尊重和欣賞你的人身上。

 

如果他再有所行動，坦白跟他說明請佢尊重。如果他還繼續flirt你，一定要企硬，不理他好了，然後再給他一個看不起他的眼神。還有，你有沒有考慮把這事告訴上司？某程度上，他的行為可能已經構成性騷擾呢！

CG！們，如果你在生活上遇到甚麼疑難，包括工作、愛情、人際關係，總之生活上的任何事情，都歡迎e-mail到editorial@cosmogirl.com.hk 跟我分享及討論啊！:)（Subject: ask joven）

Love