image with no details

拆解男友點解講大話!

21 Dec 2011

成日都話一段關係貴乎彼此坦誠,但任何女生知道男友講大話,都會大興問罪之師!
你有無諗過,其實佢唔係要隱瞞甚麼詭計,只不過係為咗顧及你感受而講個善意嘅大話?
又或者係因為想掩飾蠢事而撒謊?

以下係他講大話嘅真相:
 
1.真心顧你感受!
 
同你講:你是我最性感 / 最有氣質 / 最靚的女友。
 
刻意迴避令你尷尬的生理反應,如放屁,聽到都扮無嘢!
 
你搞錯咗佢最喜愛的球隊,他明明是阿仙奴粉絲,你卻買了曼聯波衫及精品給他,
仲特登同佢去曼聯餐廳,咁佢就唯有扮成曼聯擁躉!
 
2.掩飾蠢事
 
男生睇電視時大多有一個習慣,可能因為無聊而將手放在褲子內把玩,
當被發現時,就求其作一個解釋。
 
因為臨睡前睇咗套陳年婆媽戲而流下男兒淚,最後以眼敏感來掩飾。
 
為保持形象而扮識整電腦、維修手機,以及整水喉等,但其實一竅不通,識講唔識做。
 
睇戲途中上廁所良久都未返嚟,同你講佢迷路,實情係肚瀉。
 
廿幾三十歲人仲係「裙腳仔」,習慣阿媽買內衣褲,被發現時支吾以對,亂作自己响邊度買。
 
3.驚慌下衝口而出
 
纏綿時嗌錯名係死罪!唯有話自己迷戀某同名女明星。
 
被發現姿整地照鏡,就話臉上好似有暗瘡、衣服有污跡、褲子黏了香口膠……
 
望實你pat pat時俾你發現,跟住口窒窒讚你好性感,其實心諗你好似肥咗……
 
4.驚俾你話!
 
面對你精心炮製的美食不為所動,被問到是否之前食咗野卻唔可以答「係」,
因為真相是happy hour時食咗好多小食,所以無胃口。
 
精打細算的你一定唔鍾意男友經常花錢買「無聊」的玩意,如figure及game等,
當你發現有未見過的東西出現,問佢做咩又買新game時,答案一定係:「買咗好耐啦,你未見過之嘛!」
 
面對你突如其來的性挑逗,因為他之前已經私了,為免麻煩,唯有扮胃痛 / 頭痛。
 
為咗唔使陪你睇婆媽戲 / 劇集,以加班、趕功課等作藉口。
 
明知你易呷醋或疑心大,唯有將工作或讀書環境中出現的女性,改名說是男性。
image with no details

ADVERTISEMENT
CONTINUE READING BELOW
Share on: