大解謎！好女仔點解冇拖拍

其實，好女仔真係好多！
唔貪錢唔大小姐順得人意仲要條件唔錯！
但點解佢哋會單身咁耐？？

 

等我哋……解開呢個千古之謎！

 

 

 

咩叫單身氣場？即係你好得濟！
太好都是罪？

冇錯，因為你令人有種錯覺，
就係「唉，我邊追到佢呀！佢咁好！」或者「佢條件咁好...好似好難追喎」

向高難度挑戰的人從來不多，
最後男孩子就去晒啲「冇咁好嘅女仔」度……

 

 

 

你或者覺得主動wtsapp佢傾幾句，已經係主動！
但呢個社會，更進取嘅女仔都有！

你仲係唔敢太過刻意，
有時男仔就估唔到你對佢有意思㗎啦！

 

 

有時唔係你唔想拍拖，係冇人識到你！而你又識唔到人！

有機會係你嘅職業唔需要點對外，令你圈子較窄。

呢個都係好難解決，唯有Join多啲朋友活動，或者參加多啲同自己興趣相關嘅嘢，

希望有一日遇到他啦！

 

 

同單身氣場唔同，
你第一秒畀人嘅感覺好「朋友」。

不論男女，都覺得你可以成為佢嘅朋友……但佢哋冇諗過係「女朋友」。

 

而一旦真係Friend咗，即使互生好感，
佢衡量過之後……內心都怕追你唔到搞到尷尬，「唔想冇左個好朋友 」，
於是…………你保持單身。

 

 

 

 

基本上你待人以誠，唔識玩咩心計，又唔識吊人胃口。
當班女人喺 Whatsapp玩晒攻防戰，IG嘅每個Like都有情感暗示嘅時候，
你依然唔太想參與呢種文字遊戲。

 

可惜，呢種又累又煩嘅心戰，往往係一段戀愛嘅前奏。

 

 

不過你又唔好咁絕望，我相信其實最大嘅原因都係「時辰未到」，

既然你係咁好，一個好對象，總會出現！