feature

說好的出Pool呢?工作比大學更難脫離單身的4大原因!

說好的出Pool呢?工作比大學更難脫離單身的4大原因!

曾經以為大學時期可以出Pool告別A0稱號,怎知一年又一年,去到大學畢業尚在單身行列中;寄望投身職場會有好對象,身邊異性不是名花/名草有主,就是條件不合。到底點解出Pool咁難?大學出唔到Pool 就難告別單身?

by COSMO

大學時期社交圈子較大 出Pool機會大

大學好多course都會與不同學系及年級的同學上課,需要合作做project,透過種種相處,要擴闊社交圈子及出pool絕對唔難!

雖然好多學系都男多女少(尤其數學系、工程系)或女多男少(新聞系、護理系),但只要你唔摺,有玩O Camp、上莊、住Hall,想識異性絕對唔難。而且大學好多course都會與不同學系及年級的同學上課,需要合作做project,透過種種相處,要擴闊社交圈子及出pool絕對唔難!當然,好多大學生怕怕羞羞唔敢開口,或者當年外表太毒太摺太宅(聽說 A0 女有樣睇!),都是未能出pool主因!

說好的出Pool呢?工作比大學更難脫離單身的4大原因!

出到社會工作,真正與你工作密切的同事人數不多,而且好多荀盤都名草/名花有主,好對象愈來愈少。尤其女生,當年資愈耐,身邊出現的不是小鮮肉就是大叔同事,要找理想伴侶出pool難上加難,更未計OT引致結識新朋友機會大減!

 

擇偶條件比大學時期高 成難出Pool主因

說好的出Pool呢?工作比大學更難脫離單身的4大原因!

大學時期大家都未出身,看重的是感覺,日久生情者不計其數,就算是兩人去食譚仔、留在宿舍煲劇、踩單車去食宵夜等行為都已經好浪漫。而且大家都是大學生,至少教育程度相同,唔會有差距,出到社會可一齊奮鬥!(當然出身後能否維持現狀,就要看兩人際遇了)

 

說好的出Pool呢?工作比大學更難脫離單身的4大原因!

到出來社會工作,當你有咁上下經驗,不乏升職加薪機會時,你的擇偶條件也較以往高。你會想搵到個事業上跟你匹配的對象,收入、職級相若也是基本條件。尤其女生角度而言,都希望另一半有一定經濟能力,可成家立室,要是對方年資跟自己一樣甚至更久,但收入和職級卻遠低於自己,定會覺得對方不夠上進,難以給予幸福,也難過父母那關!

 

大學時日見夜見,培養感情機會多

說好的出Pool呢?工作比大學更難脫離單身的4大原因!

大學時期大家日見夜見,尤其有上莊、住Hall,相處機會多,而且更是無王管(父母唔知你幾夜返Hall),因莊務、做project而培養感情機會大增,出Pool成功率也較大。

 

辦公室以外結識的對象又會因大家放假時間不同、經常OT,不明對方公事煩惱等,引致感情變淡

至於出來社會工作,就算俾你在公司搵到另一半,但公事上總會有衝突,好易因公忘私;辦公室以外結識的對象又會因大家放假時間不同、經常OT,不明對方公事煩惱等,引致感情變淡,就算出到pool也容易分手。

 

大學時多共同朋友 可幫手解決愛情煩惱

說好的出Pool呢?工作比大學更難脫離單身的4大原因!

大學時期出pool,另一半與你都會有common friend,出Pool前已可透過同學朋友了解他的為人;有埋同學仔做媒人幫手製造機會撮合,要告別單身,一定比以後容易。即使兩人吵架反面,亦有同學幫手安慰和諗計仔,和好機會也較大。

 

說好的出Pool呢?工作比大學更難脫離單身的4大原因!

出到社會,大家都會將愛情煩惱收收埋埋,即使在辦公室有心儀對象都不敢take action,怕惹來怕辦公室閒言閒語,成為辦公室焦點。要不就發展地下情,要不就把愛意藏於心底,自我放棄出pool機會!

LOAD MORE