藍橘子專欄：女仔５種舉動，對男人嚟講100%娶得過？

１）講一句『傻瓜』更勝千言萬語

尤其喺追求期同曖昧期，當男仔做咗某件事，畀女神講一句「傻瓜～」對男仔嚟講真係好吸引，未表白成功已經幻想緊結婚。比人話傻仔仲開心過讚佢靚仔。

通常只會出現男人陪女朋友睇衫，次次去親賣女裝嘅店舖，都不難發現一個「男人等候區」，一班男人面無表情咁呆等住女朋友／老婆買衫。相反，如果女朋友可以陪男人去睇模型／玩具，畀男人可以認叻介紹吓男人嘅世界觀，諗起都開心。

我都明白唔係每個女仔都對打機有興趣，每個人都有自己鍾意做嘅事，但千祈唔好覺得「男人打機就是罪」。其實打機都只係一種興趣，正如女仔可以一晚煲劇煲通頂一樣。不過必須承認，男人打機仲有一樣好黑人憎嘅共通點，就係個個都話自己打機好勁…