男人出軌有跡可尋? 如果佢咁樣 可能佢已經偷食緊

男人出軌有跡可尋? 如果佢咁樣 可能佢已經偷食緊

根據非正式統計,《無人之境》係最多人聽但無人敢share嘅歌,單係 #這世界最壞罪名叫太易動情 呢句,道出唔少人嘅心底話。偷食、第三者、一腳踏兩船,無發生喺你/另一半身上,要劏雞還神。
但點樣先可以知另一半有無出軌?不妨從以下幾個表徵搵線索。如果佢有做,你要做定心理準備。

By COSMO

1. Whatsapp熄notifcations

你同佢平時約會,電話都幾百萬上落,但忽然呢排水靜河飛。點解?因為佢廢事比你睇到D唔應該睇到嘅messages,忽然有另一個人叫佢BB、豬豬,咪索性熄晒D notifications一乾二淨。如果佢係咁,都好大機會身有屎。

2. 電話長期跟身

呢個point比較適用於同居嘅情侶/夫婦。你會發現,另一半長期電話跟身,無論大小二便定沖涼,佢同個電話都如膠投漆。其實有兩個原因。一,廢事比你偷睇電話。二,你估去廁所真係去廁所咩?佢要同對方溝通。教你一招double check,如果佢開住花灑,但仲見到佢on whatsapp,十成十係扮沖涼。唔通個電話防水咩?

3. 突然消失幾個鐘

如果對方突然消失幾個鐘,好有可能去咗做愛做嘅事。而藉口通常係:開會、瞓咗、係屋企無睇電話等等。消失嘅頻率,通常係一禮拜幾次。咁佢好有可能去咗私會第三者。

4. 多咗D新衣物配飾

有過感情瓜葛,必定留下痕跡。如果你發現另一半生日前後、情人節前後等等等,多咗D禮物,尤其係一D貼身私密嘅嘢,小至襪,大至裇衫,都好有可能係線索。甚至可能係第三者向正印示威嘅方法。

LOAD MORE